Polärnii
Polärnii (ven.: Поля́рный) om Venäman lidn Murmanskan agjan pohjoižes. Vspäi 2008 om sodahoštusen lidnaks i mülüb Sauptud administrativiž-territorialižhe «Aleksandrovsk»-ühtnikha (521 km²) territorialižeks ümbrikoks.
Lidnanznam
|
Flag
|
| Valdkund | Venäma |
| Eläjiden lugu (2020) | 17,494 ristitud |
| |
| Telefonkod | +7−81 551-xx-xxx |
| Aigvö | UTC+3 |
Istorii vajehta
Eländpunktan aluz om pandud vl 1896 kuti kommertižen Aleksandrovsk-portan žilo Sergei Vitten taričendan mödhe. Se sai oficiališt lidnan statusad vl 1899 üläihastuzavaidusen ühtes. Vl 1926 kätihe Aleksandrovskoje-žiloks, vl 1931 udesnimitihe Polärnoje-žiloks. Vspäi 1939 om lidnan statusanke tošti da nügüdläiženke nimenke.
Pohjoižen laivišton trallaividen baziruindan jädumatoi punkt i laivankohenduztegim oma olmas Polärnii-lidnas, mugažo leibtegim radab.
Geografijan andmused vajehta
Lidn sijadase tundras, Barencan meren Jekaterinan merikaran randal, 20 m ü.m.t. keskmäižel korktusel. Kaikiš korktemb čokkoim om Vestnik-mägenpä 115 metrad korktusel. Matkad SATÜ:n Snežnogorsk-keskushesai om kahesas kilometras päivlaskmha orhal vai 14 km avtotedme (avtobusad ühtenzoittas lidnoid), Murmanskhasai — 30 km suvipäivlaskmha orhal vai 60 km avtotedme.
Klimat om subarktine meren. Voden keskmäine lämuz om +1,4 C°, kezakun-elokun +9..+12 C°, tal'vkun-keväz'kun −5..−8 C°.
Eläjad vajehta
Vn 2010 Venäman rahvahanlugemižen mödhe lidnan eläjiden lugu oli 17 293 ristitud. Kaik 17 568 eläjad oli lidnas vl 2017. Kaikiš suremb ristitišt oli 27 635 eläjad vl 1989.
Ortodoksižen hristanuskondan kaks' pühäpertid[1] oma avaitud: ph. Mikulai-čudonsädajan jumalanpert' (om pühästadud vl 1999) i puine časoun' (om letud vll 2014−2017).
Murmanskan valdkundaližen tehnižen universitetan filial[2] om lidnan professionaližen opendusen aluzkundaks.
Galerei vajehta
-
Cirkulärine pert' vl 2017 -
Sodameriläžundkodin nägu vl 2017 -
Kolan flotilijan päfater (2006 vai aigemba) -
Lidnan kodirandantedištandmuzei (2017) -
«Kaluga»-, «Lipeck»- i «Jaroslavl'»-VA-laivad Polärnijan merivaldmoidenno (2015)
Homaičendad vajehta
Irdkosketused vajehta
- Aleksandrovsk-SATÜ:n tobmuden aluzkundoiden oficialine sait (zato-a.ru). (ven.)
- Aleksandrovsk-SATÜ:n Ezitajiden Nevondkundan oficialine sait (sovet-a.ru). (ven.)
| Polärnii Vikiaitas |
| Murmanskan agjan lidnad | ||
| Apatitad | Gadžijevo | Kandalakš | Kirovsk | Kol | Kovdor | Mončegorsk | Murmansk | Olenegorsk | Ostrovnoi | Polärnii | Polärnije Zori | Severomorsk | Snežnogorsk | Zaozörsk | Zapolärnii | ||