Pl'zen'

Pl'zen' (čeh.: Plzeň [ˈpl̩zɛɲ], saks.: Pilsen) om Čehanman nellänz' surtte lidn eläjiden lugun mödhe. Se om Pl'zenin randan administrativine keskuz, raudtesol'm.

Pl'zen'
Plzeň

Lidnanznam	Flag
Valdkund	Čehanma
Eläjiden lugu (2018)	170,936 ristitud
Pind	137,65 km²
Pämez'	Martin Baksa (2010−2014, reduku 2018—)
Telefonkod	+420−37
Avtokod	P
Aigvö	tal'vel UTC+1, kezal UTC+2

Istorii

Eländpunktan aluz om pandud vl 976 kuti lidnuz-zamk. Čehanman Vaclav II-kunigaz andoi sille lidnan oiktusid vodel 1295, nügüd' se om Stari-Pl'zenec-lidn. Läz 1295 vot se-žo kunigaz pani Pl'zenin alust 10 kilometras vanhas lidnaspäi. Vl 1859 Škoda-kompanijan aluz om pandud neche lidnha.

Pl'zen' šingotase mašiništonsauvomižen edheotandoil (avtoinstrument, gidravližed pressad, pol'vekahad värtmuded, mašiništ sömtegimišton täht), elektromašiništon tehmižel (kondicionerad), järedal oludtegimel mail'man tetabanke Pilsner-torguindmarkanke i fernetan (liköran heinil) pästandal.

Geografijan andmused

Lidn sijadase 293..452 m korktusil, 310 m ü.m.t. keskmäižel korktusel, nellän jogen ühthejoksmusen sijas: Mže, Radbuz (čeh. Radbuza), Uglav (čeh. Úhlava), Uslav (čeh. Úslava). Berounk-jogi lähteb (čeh.: Berounka, Vltavan kaikiš znamasižemb hura ližajogi). Matkad Praghasai om 90 km pohjoižpäivnouzmha.

Pl'zen' jagase 10 nimitadud rajonha.

Eläjad

Vn 2011 Čehanman rahvahanlugemižen mödhe eläjiden lugu oli 170 222 ristitud. Kaikiš suremb ristitišt oli 175 229 eläjad vl 1986.

Rahvahad (2017): čehalaižed — 69,6%, slovakalaižed — 1,8%, ukrainalaižed — 1,2%, vjetnamalaižed — 0,6%, toižed rahvahad i rahvahuden ozutandata — 26,8%.

Tetabad sündnuded da elänuded

• Karel Gott (1939 – 2019) — čehalaine pajatai.

Irdkosketused

• Lidnan oficialine sait (plzen.eu). (čeh.) (angl.) (saks.)