Piterboro (Ontario)
Piterboro (angl.: Peterborough [ˈpiːtərbʌroʊ]) om Kanadan lidn Ontario-agjan suves.
Flag
| |
| Valdkund | Kanad |
| Eläjiden lugu (2021) | 83,651 ristitud |
| Pind | 64,76 km² |
| |
| Pämez' | Džeff Lil (kül'mku 2022—, Jeff Leal) |
| Telefonkod | +1−705, +1−249 |
| Aigvö | tal'vel UTC−5, kezal UTC−4 |
Istorii vajehta
Eländpunktan aluz om pandud vl 1819 kuti Skotts Pleins (angl.: Scott's Plains). Sai penen lidnan (angl. town) oiktusid nügüdläiženke nimenke vl 1850, suren lidnan (angl. city) — vn 1905 1. päiväl heinkud.
Piterboro šingotase openduzkeskuseks, sömtegimištol (PepsiCo), elektroladimiden tegimel, turizmal, avtodetaliden pästandal i Ošav-lidnan «magaduzezilidnaks», kosmosan i biotehnologijoiden edheotandoil.
Geografijan andmused vajehta
Lidn sijadase Otonabi-jogen randoil (angl.: Otonabee 55 km pitte, Suriden järviden bassein), 195 m ü.m.t. keskmäižel korktusel. Matkad Ontarionjärvhesai om 35 km suvhe, Toronton keskushesai om 125 km suvipäivlaskmha, Ottav-pälidnhasai om 270 km pohjoižpäivnouzmha.
Klimat om ven kontinentaline. Voden keskmäine lämuz om +6,9 C°. Ekstremumad oma −39 C° i +38 C°. Paneb sadegid 882 mm vodes, kuidme 49..92 mm, sidä kesken lunt pol'tošt metrhasai.
Eläjad vajehta
Vn 2011 Kanadan rahvahanlugemižen mödhe eläjiden lugu oli 78 698 ristitud. Kaikiš suremb ristitišt om nügüd'.
Kundaline Trentan universitet[1] (angl.: Trent University, 11 tuhad üläopenikoid vl 2019) radab lidnas vspäi 1964.
Edeline lidnan pämez' (mer) om Diana Terrien (kül'mku 2018 — kül'mku 2022, Diane Therrien).
Homaičendad vajehta
Irdkosketused vajehta
| Piterboro (Ontario) Vikiaitas |