Pavlovo
Pavlovo (ven.: Па́влово, oficialitoi nimituz om Pavlovo Okal — Павлово-на-Оке) om Venäman lidn da lidnankund Alalidnan agjan päivlaskmas. Se om agjan seičemenz' lidn eläjiden lugun mödhe, Pavlovon rajonan administrativine keskuz, mülüb sihe. Pavlovon municipaline ümbrik om sätud rajonan alusel vn 2020 semendkus, sen jäl'ghe lidn kadoti erižen municipaližen ühtnikan statusad.
Lidnanznam.png)
| |
| Valdkund | Venäma |
| Eläjiden lugu (2021) | 56,129 ristitud |
| Pind | 43,12 km² |
| |
| Pämez' | Sergei Tarasov (tal'vku 2020—, administracijan pämez' vn 2019 tal'vkuspäi) |
| Telefonkod | +7−83 171-xx-xxx |
| Avtokod | 52, 152 |
| Aigvö | UTC+3 (MSK+0) |
Istorii vajehta
Eländpunkt om olmas 16. voz'sadaspäi, mainitase ezmäižen kerdan vl 1566 kuti Pauloin Lidnuz (ven.: Павлов Острог). Kaitihe lidnust sodagarnizonal, i käziradajad sirdiba elämhä sihe: sepad, lehtraudan i vas'ken ümbriradajad, bučnikad, padanikad. Žilo kändihe metallan erazvuiččen ümbriradmižen keskuseks, ottihe metallad lähižes Viksaspäi. Žilo sai makundan lidnan statusad vl 1919.
Pavlovo šingotase mašinansauvomižen tegimil (Pavlovon avtobustegim[1], kosmosmašiništ, elektroajaimed, mašiništ teiden i parkuindan täht, pnevmatine instrument i likutimed, ühthekeitandapparatad), keitimpoled astjoiden edheotandal. Kanoiden sugu i honuzlimonan sort libudas lidnaspäi.
Geografijan andmused vajehta
Lidn sijadase rajonan keskuzpalas, Okan oiktal randal tobjimalaz (Volgan oiged ližajogi), 120 m ü.m.t. keskmäižel korktusel. Rel'jef om vanoikaz, lidnan keskuz sijadase alahas. Ei ole kaikenaigašt sildad lidnas Okas päliči, ehtatim radab. Matkad Alauz'lidnan keskushesai om 70 km pohjoižpäivnouzmha orhal, 80 km avtotedme vai raudtedme. Lähembaižed lidnad oma Vorsm 10 km päivnouzmha avtotedme i Gorohovec (Vladimiran agj) 36 km lodeheze orhal vai 48 km avtotedme.
Pavlovo om lidnankundan üks'jäine eländpunkt.
Eläjad vajehta
Vl 1939 lidnan ristitišt oli 32 400 eläjad, vl 1959 — 47 890 eläjad. Vn 2010 Venäman rahvahanlugemižen mödhe lidnan eläjiden lugu oli 60 698 ristitud, rajonan koume videndest. Kaikiš suremb lidnan ristitišt oli enamba 70 tuhad eläjid vll 1986−2000 (72 200 ristitud vl 1992).
Rahvahad (2010): venälaižed — 99,0%, toižed rahvahad — 1,0%.
Ortodoksižen hristanuskondan Sündun Voznesenjan päjumalanpert' (1785), nell' jumalanpertid[2] i koume časounäd oma olmas lidnas.
Professionaližen opendusen aluzkundad oma Pavlovon avtomehanine tehnikum[3] i Pavlovon rahvahan čomamahtoližpramozloiden tehnikum[4], mugažo Alauz'lidnan üläopendusen nellän aluzkundan filialad ratas lidnas.
Edeline lidnan pämez' — Deputatoiden Nevondkundan ezimez' oli Väčeslav Šišin vn 2015 sügüz'kuspäi.
Galerei vajehta
-
Lidnankundan tobmuden pert' -
Hristan eläbzdusen jumalanpert' vl 2014 (ortodoksine hristanuskond) -
Alalidnan valdkundaližen universitetan filial (2008) -
«CITRON»-torguindkeskuz vl 2008 -
Metallist-lopstancii lidnan keskuzpalas
Homaičendad vajehta
Irdkosketused vajehta
| Pavlovo Vikiaitas |
| Alalidnan agjan lidnad | ||
| Alauz'lidn | Arzamas | Balahn | Bogorodsk | Bor | Čkalovsk | Dzeržinsk | Gorbatov | Gorodec | Knäginino | Kstovo | Kulebaki | Liskovo | Lukojanov | Navašino | Pavlovo | Perevoz | Pervomaisk | Sarov | Semönov | Sergač | Šahunj | Zavolžje | Uren' | Vetlug | Viks | Volodarsk | Vorsm | ||