Päivlaskmpol'ne Dvin

lidn Venämas


Päivlaskmpol'ne Dvin (ven.: За́падная Двина́) om Venäman lidn da lidnankund Tverin agjan suvipäivlaskmas. Se om Päivlaskmpol'žen Dvinan ümbrikon (edel vn 2020 semendkud — rajonan) administrativine keskuz.

Päivlaskmpol'ne Dvin
Западная Двина
Valdkund Venäma
Eläjiden lugu (2020) 7,783 ristitud
Pind 12,66 km²
Päivlaskmpol'ne Dvin Западная Двина
Telefonkod +7−48 265-xx-xxx
Avtokod 69
Aigvö UTC+3 (MSK+0)

Istorii vajehta

Eländpunktan aluz om pandud Päivlaskmpol'ne Dvin-raudtestancijha vl 1900, sijadase «MoskvRig»-keskustal. Nimitihe stancijad jogen mödhe, se sai radnikžilon statusad vl 1927. Radnikžilo sai lidnan statusad vl 1937.

Päivlaskmpol'ne Dvin-lidn šingotase mecan ümbriradmižel[1] da turizmal, mugažo maidtegim radab.

Geografijan andmused vajehta

Lidn sijadase Päivlaskmaižen Dvinan randal (se-žo Daugav alajoksmuses), Valdai-ülüden suvipäivlaskmas, 185 m ü.m.t. keskmäižel korktusel. Matkad Tverihesai om läz 250 km pohjoižpäivnouzmha orhal. Lähembaižed lidnad oma Nelidovo 50 km päivnouzmha raudtel vai avtol, Toropec 38 km lodeheze orhal i Andreapol' 50 km pohjoižhe avtotedme, järed lidn — Velikije Luki 100 km päivlaskmha «Baltii»-trassadme (M9).

Päivlaskmpol'ne Dvin oli lidnankundan üks'jäižeks eländpunktaks.

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 9 845 ristitud, rajonan koume videndest. Kaikiš suremb lidnan ristitišt oli 11 556 eläjad vl 1989. Kaik 8 249 eläjad oli lidnas vl 2017.

Ortodoksižen hristanuskondan nell' pühäpertid[2] oma avaitud lidnas: Mikulai-čudonsädajan jumalanpert' (letihe vll 2004−2008) i koume časounäd (oma saudud 2000-nzil vozil).

Päivlaskmpol'žen Dvinan tehnologine kolledž[3] om lidnan professionaližen opendusen aluzkundaks.

Edeline lidnan pämez' oli Aleksandr Borovkov vn 2013 sügüz'kuspäi.

Homaičendad vajehta

  1. Punümbriradajan tegimen sait (Päivlaskmpol'ne Dvin, doz-dvina.ru). (ven.)
  2. Päivlaskmpol'žen Dvinan pühäpertid sobory.ru-saital. (ven.)
  3. Päivlaskmpol'žen Dvinan tehnologižen kolledžan sait (kolledg-zdv.ucoz.ru). (ven.)

Irdkosketused vajehta



Tverin agjan lidnad
Andreapol' | Belii | Bežeck | Bologoje | Kaläzin | Kašin | Kimri | Konakovo | Krasnii Holm | Kuvšinovo | Lihoslavl' | Nelidovo | Ostaškov | Päivlaskmpol'ne Dvin | Ržev | Staric | Zubcov | Toropec | Toržok | Tver' | Udoml' | Ves'jegonsk | Višnii Voločok