Ozörsk (Kaliningradan agj)

Ozörsk (ven.: Озёрск, saks.: Osjorsk, litv.: Darkiemis / Oziorskas, pol'š.: Oziorsk / Darkiejmy; edel 1938. vot Darkemen (saks.: Darkehmen, ven.: Дарке́мен), vll 1938−1946 — Angerapp jogen mödhe, mugažo saksan kelel, ven.: А́нгерапп) om Venäman lidn Kaliningradan agjan suvipäivnouzmas. Se om Ozörskan lidnümbrikon administrativine keskuz.

Ozörsk
Озёрск
Lidnanznam
Valdkund Venäma
Eläjiden lugu (2021) 4,152 ristitud
Pind 12 km²
Ozörsk Озёрск
Pämez' Natal'ja Makreckaja
(sügüz'ku 2019—)
Telefonkod +7−40 142-xx-xxx
Avtokod 39, 91
Aigvö UTC+2 (MSK−1)


Sil sanal voib olda toižid znamoičendoid; miše nähta niid, tulgat tänna.

Istorii vajehta

Eländpunkt mainitase ezmäižen kerdan vl 1539. Prussijan Fridrih Vil'gel'm I-kunigaz andoi Darkemenale lidnan oiktusid vl 1725.

Ozörsk šingotase meblin tehmižel, sömtegimišton edheotandal (leibtegesed), metalližtegesiden i kartonpakuitesen pästandal, mecan ümbriradmižel.

Geografijan andmused vajehta

 
Lidnan sijaduz agjas

Lidn sijadase Angrap-jogen randoil (ven.: Ангра́па 169 km pitte, Pregolin hura joginišk, pen' GES jogel lidnas), 80 m ü.m.t. keskmäižel korktusel.

Matkad Pol'šanman röunhasai om kahesa kilometrad suvhe, Kaliningradhasai om 102 km päivlaskmha-lodeheze orhal vai 120 km avtotedme. Lähembaižed lidnad oma Černähovsk 29 km lodeheze orhal vai 33 km avtotedme i Gusev 24 km pohjoižpäivnouzmha orhal vai 28 km avtol. Ei ole raudted nevondkundaližes aigaspäi.

Tobmuz vajehta

Ozörskan lidnankund oli ühtennimižes rajonas vll 2006−2014, pen' Ušakovo-žilo (120 rist. vl 2014) mülüi sihe lidnan ližaks.

Edeline municipaližen ühtnikan pämez' (lidnümbrikon Deputatoiden nevondkundan ezimez') om Vladislav Nikonorov (reduku 2015 — sügüz'ku 2019). Lidnümbrikon Administracijan pämez' om Natal'ja Stroganova vn 2019 sügüz'kuspäi. Edeline Administracijan pämez' om Natal'ja Makreckaja (tal'vku 2015 — sügüz'ku 2019).

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 4 740 ristitud, lidnümbrikon koume nelländest. Kaik 4 108 eläjad oli lidnas vl 2017. Kaikiš suremb lidnan ristitišt oli 6 300 eläjad vll 1996−1998.

Rahvahad (enamba 0,4 % vl 2010, ozutadud rahvahudenke): venälaižed — 85,7 %, vaugedvenälaižed — 3,8 %, ukrainalaižed — 3,1 %, pol'šanmalaižed — 2,1 %, armenijalaižed — 2,0 %, saksalaižed — 1,2 %, litvalaižed — 0,5 %, toižed rahvahad — 1,6 %.

Ortodoksižen hristanuskondan ph. Aleksandr Nevalaižen jumalanpert'[1] om sätud vanhas pertišpäi vll 1993−1996.

Agrotehnologijoiden da londusensauvomižen kolledžan palakund nomer koume[2] (Gusev, ende Ozörskan londusensauvomižen tehnikum) om lidnan professionaližen opendusen aluzkundaks.

Galerei vajehta

Homaičendad vajehta

  1. Ozörskan pühäpertid sobory.ru-saital. (ven.)
  2. Palakund nomer koume Agrotehnologijoiden da londusensauvomižen kolledžan katip39.ru-saital. (ven.)

Irdkosketused vajehta



Kaliningradan agjan lidnad
Bagrationovsk | Baltiisk | Černähovsk | Gur'jevsk | Gusev | Gvardeisk | Kaliningrad | Krasnoznamensk | Laduškin | Mamonovo | Neman | Nesterov | Ozörsk | Pionerskii | Polessk | Pravdinsk | Primorsk | Slavsk | Sovetsk | Svetlii | Svetlogorsk | Zelenogradsk