Otepä vai Otepäe (est.: Otepää, edel 1917 vot Odenpe, saks.: Odenpäh) om Estinman lidn da volost' valdkundan suves. Mülüb Valgan makundha, sen kaikiš penemb lidn koumespäi. Lugetas Estinman tal'veližiden sportansuguiden i turizman keskuseks.

Otepä
Otepää
 Lidnanznam
 Flag
Valdkund Estinma
Eläjiden lugu (2019-01-01) 2,124 ristitud
Pind 4,46 km²
Otepä Otepää
Telefonkod +372-xxx-xxxx
Aigvö tal'vel UTC+2,
kezal UTC+3

Istorii vajehta

Eländpunkt mainitase ezmäižen kerdan Venän aigkirjoiš ven.: Медвежья Голова-nimitusenke vl 1116. «Ott» estin kelel om kondin närituznimišpäi. Vanhan zamkan jändused oma kaičenus lidnan päivnouzmas (mägel) tähäsai, kivine zamk oli saudud saksalaižil papil vl 1224 estilaižiden külän sijas. Vl 1907 ezmäine škol külätahondas oli avaitud Odenpes opendusenke estin kelel.

Nügüdläižen eländpunktan aluz om pandud vn 1919 13. päiväl redukud kuti Nuustaku-žilo (est.: Nuustaku alevi) läz endevanhad Otepäd. Meletihe, miše ned ühtištudas teravas territorialižešti, i udesnimitihe Nuustakud Otepä-žiloks vn 1922 redukus. Vl 1929 Estinman suks'voibuižiden ezmäine čempionat mäni Otepäs. Žilo sai lidnan statusad vn 1936 1. päiväl sulakud. Vll 1950−1959 lidn oli Otepän rajonan keskuseks. NSTÜ:n ezmäine suks'čempionat mäni arni neciš lidnas vl 1958.

Otepän ižandusen päsarak om sportturizm, mugažo fanerantegim radab. Om meden tehmišt lidnan ümbrištos.

Geografijan andmused vajehta

Lidn sijadase ühtennimižel ülüdel. Om ümbärtud londuseližel puištol i penil järvil, kaikiš suremb om Pühajärv (3,1 km², Peipusjärven bassein) ani suvipäivlaskmha lidnaspäi. Matkad Tallidnhasai om 180 km lodeheze orhal vai 225 km avtotedme. Matkad makundan Valg-keskushesai om 48 km suvipäivlaskmha avtotedme, Tartuhusai om 42 km pohjoižhe-pohjoižpäivnouzmha avtotedme. Lähembaine lidn om Elv 25 km pohjoižhe-lodeheze avtotedme.

Kaik 54 küläd alištudas Otepän volostin (est.: Otepää vald) tobmudele vs 2017 redukun 24. päiväspäi. Volostin pind — 520,2 km².

Eläjad vajehta

Vn 2011 EÜ:n rahvahanlugemižen mödhe lidnan eläjiden lugu oli 2 070 ristitud. Kaikiš suremb lidnan ristitišt oli 2 445 eläjad vl 1941, 2 424 vll 1970 i 1989. Kaik 6 623 ristitud elihe Otepän volostiš vn 2018 augotišes.

Volostin edeline pämez' oli Siim Kalda (2016−2017). Jaanus Barkala radab Otepän volostin nevondkundan ezimehen vn 2018 uhokuspäi.

Galerei vajehta

Irdkosketused vajehta