Nereht (lidn)
Nereht (ven.: Не́рехта) om Venäman lidn, lidnankund da raudtesol'm Kostroman agjan suvipäivlaskmaižes čogas. Se om Nerehtan rajonan administrativine keskuz.
Lidnanznam
|
Flag
|
| Valdkund | Venäma |
| Eläjiden lugu (2017) | 21,403 ristitud |
| Pind | 17,22 km² |
| |
| Pämez' | Viktor Odinokov (reduku 2016—) |
| Telefonkod | +7−49 431-xx-xxx |
| Avtokod | 44 |
| Aigvö | UTC+3 (MSK+0) |
Istorii vajehta
Eländpunkt mainitase ezmäižen kerdan vl 1214 kut Vsevolod III Sur' Peza-ruhtinasen lapsiden ridan objekt. Lidnan keskuz sijazihe Nereht-jogen oiktal randal 16. voz'sadahasai. Šingotihe keitandsolan samižel 15.-18. voz'sadoil. Nereht sai makundan lidnan oficiališt statusad vl 1778. Torguz oli lidnas joga nedalil, koume jarmankad vodes oleskeli edel 20. voz'sadad.
Nereht šingotase mašinansauvomižel (mehanine tegim, elektrolämbitimed), sauvondmaterialiden pästandal (järed savičtegim), turizmal, mugažo meblin fabrik (stal'cad, ištmed) i suvenirfabrik ratas lidnas.
Geografijan andmused vajehta
Lidn sijadase rajonan päivlaskmas, Nereht-jogen (Volgan oigedpol'ne bassein) hural randal, 100 m ü.m.t. keskmäižel korktusel. Matkad Jaroslavlin agjan röunhasai om 6 km päivlaskmha orhal, agjan Kostrom-keskushesai om 40 km pohjoižpäivnouzmha orhal, 45 km avtotedme vai raudtedme. Lähembaižed lidnad sijadasoiš 30..40 kilometras orhal, ned oma: Kostrom pohjoižpäivnouzmha, Volgorečensk päivnouzmha, Furmanov suvipäivnouzmha, Gavrilov Jam suvipäivlaskmha-päivlaskmha, Jaroslavl' lodeheze.
Nereht om lidnankundan üks'jäine eländpunkt.
Eläjad vajehta
Vn 2010 Venäman rahvahanlugemižen mödhe lidnan eläjiden lugu oli 22 828 ristitud, rajonan kaks' koumandest. Kaikiš suremb lidnan ristitišt oli 28..30 tuhad eläjid vll 1989−2000 (30 100 rist. vl 1992). Ortodoksižen hristanuskondan Kazanin päjumalanpert' i kuz' jumalanpertid oma kaičenus lidnas.
Professionaližen opendusen aluzkund om Nerehtan politehnine tehnikum.[1]
Galerei vajehta
-
Kodirandantedištandmuzei (2009, ende zell'lauk) -
Torguindrived i Sündun Nägundan jumalanpert', vn 2016 nägu -
Sberbankan palakund vl 2013 -
«Start»-stadion (2012) -
Nereht-päraudtestancijan sauvuz vl 2009
Homaičendad vajehta
Irdkosketused vajehta
| Nereht (lidn) Vikiaitas |
| Kostroman agjan lidnad | ||
| Bui | Čuhlom | Galič | Kologriv | Kostrom | Makarjev | Manturovo | Nei | Nereht | Soligalič | Šarj | Volgorečensk | ||