Nazivajevsk (ven.: Называевск) om Venäman lidn da lidnankund Omskan agjan päivlaskmas. Se om Nazivajevskan rajonan administrativine keskuz.

Nazivajevsk
Называевск
Valdkund Venäma
Eläjiden lugu (2021) 10,709 ristitud
Pind 68,7 km²
Nazivajevsk Называевск
Pämez' Viktor Lupinos
(keväz'ku 2010—)
Telefonkod +7−38 161-xx-xxx
Avtokod 55
Aigvö UTC+6 (MSK+3)

Istorii vajehta

Eländpunktan aluz om pandud vl 1910 kuti Sibirin posad-žilo (ven.: посёлок Сибирский посад) Nazivajevskai-raudtestancijanno. Vll 1917−1933 nimitihe Sibirskoje-eländpunktaks. Vspäi 1933 — Nazivajevk-žilo (ven.: Называевка). Vl 1947 kätihe Novonazivajevk-radnikžiloks. Se sai lidnan statusad vl 1956 nügüdläiženke nimenke.

Nazivajevsk šingotase savičtegimel i nahktegimel, mugažo maidtegim radab.

Geografijan andmused vajehta

Lidn sijadase Išiman tazangištol, 90 kilometras jogespäi, kesked penid järvid i soid, 126 m ü.m.t. keskmäižel korktusel. Nazivajevsk alištub sur'vezile gruntveden korktan tazopindan tagut. Matkad Omskhasai om 140 km suvipäivnouzmha orhal (raudtedme) vai 205 km avtotedme. Lähembaižed lidnad oma Isil'kul' 75 km suvhe avtotedme i Tükalinsk 75 km pohjoižpäivnouzmha avtol. «Tümen' — Omsk»-raudtejono jagab lidnad kaks'haze.

Nazivajevsk om lidnankundan üks'jäine eländpunkt. Lidnankundan pind — 68,7 km².

Eläjad vajehta

Vn 2010 Venäman rahvahanlugemižen mödhe eläjiden lugu oli 11 615 ristitud, rajonan pol'. Kaikiš suremb ristitišt oli 16 494 ristitud vl 1959.

Ortodoksižen hristanuskondan phh. Borisan i Gleban jumalanpert'[1] om saudud vll 2008−2011.

Homaičendad vajehta

  1. Nazivajevskan pühäpertid sobory.ru-saital. (ven.)

Irdkosketused vajehta



Omskan agjan lidnad
Isil'kul' | Kalačinsk | Nazivajevsk | Omsk | Tar | Tükalinsk