Nazarovo (Krasnojarskan rand)

Nazarovo (ven.: Наза́рово) om Venäman lidn da lidnümbrik Krasnojarskan randan suvipalan päivlaskmas. Se om Nazarovon rajonan administrativižeks keskuseks (ei mülü rajonha).

Nazarovo
Назарово
 Lidnanznam
 Flag
Valdkund Venäma
Eläjiden lugu (2020) 49,748 ristitud
Pind 47 km²
Nazarovo Назарово
Pämez' Vladimir Saar
(keväz'ku 2022—)
Telefonkod +7−39 155-xx-xxx
Avtokod 24, 84, 88, 124
Aigvö UTC+7 (MSK+4)


Sil sanal voib olda toižid znamoičendoid; miše nähta niid, tulgat tänna.

Istorii vajehta

Eländpunktan aluz om pandud vl 1700 kuti Nazarovskai-külä (ven.: деревня Назаровская), nimitihe tobol'skalaižen Nazarii Patükov-alusenpanijan mödhe. 17.-18. voz'sadoiden röunal Minusinskan trakt läbiti Nazarovod, i se šingotaškanzihe. Vl 1916 raudte tuli žilho Ačinskaspäi. Kätihe žilod makundan keskuseks vl 1924, radnikžiloks vl 1946. Žilo sai lidnan statusad vn 1961 tal'vkus.

Nazarovon ižandusen päsarakod oma buran hilen samine, energetine (Nazarovon GRES), sauvondmaterialiden tehmine (erazvuitte lämuzizoläcii[1], šebin', metalližkonstrukcijad), sömtegimišt (leibän edheotand, maidkonservad), Päivnouzmaižsibirin katiltegim (katl'ad kovan poltusen kävutandanke).

Geografijan andmused vajehta

Lidn sijadase Čulim-jogen hural randal, Nazarovon katl'uses, 250 m ü.m.t. keskmäižel korktusel.

Matkad Krasnojarskhasai om 152 km päivlaskmha orhal vai 207 km avtotedme. Lähembaine lidn om Ačinsk 30 km pohjoižhe.

Tobmuz vajehta

Nazarovo om lidnümbrikon üks'jäižeks eländpunktaks. Lidnümbrikon pind — 87,63 km².

Edeline lidnan pämez' om Sergei Suharev (kül'mku 2017 — viluku 2022). Lidnan Deputatoiden Nevondkundan ezimez' om Ol'ga Martus vn 2017 redukuspäi.

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 52 817 ristitud. Kaikiš suremb lidnan ristitišt oli 65 700 eläjad vl 1992. Kaik 50 397 eläjad oli lidnas vl 2017.

Ortodoksižen hristanuskondan Jumalanmaman Katken pühäpert'[2] om saudud lidnas vll 1989−1990. Eläban Eziauguižen Stroican kivine jumalanpert' om sauvomas vspäi 2017. Islamanuskojiden kund om registriruidud.

Nazarovon agrarine[3] i energetižen sauvomižen[4] tehnikumad oma lidnan professionaližen opendusen aluzkundoikš.

Transport vajehta

Avtobusad da taksid oma kundaližeks transportaks lidnas.

Nazarovo-raudtestancii radab «Ačinsk — Abakan»-keskustal.

Galerei vajehta

Homaičendad vajehta

  1. Nazarovon lämuzizoläcijan tegesiden da konstrukcijoiden tegimen sait (nazarovo-tiik.ru). (ven.)
  2. Nazarovon pühäpertid sobory.ru-saital. (ven.)
  3. Nazarovon agrarižen tehnikuman sait (nativ24.ru). (ven.)
  4. Nazarovon energetižen sauvomižen tehnikuman sait (nestn.ru). (ven.)

Irdkosketused vajehta



Krasnojarskan randan lidnad
Ačinsk | Artömovsk | Bogotol | Borodino | Divnogorsk | Dudink | Igark | Ilanskii | Jeniseisk | Kansk | Kodinsk | Krasnojarsk | Lesosibirsk | Minusinsk | Nazarovo | Noril'sk | Sosnovoborsk | Šaripovo | Zaozörnii | Zelenogorsk | Železnogorsk | Ujar | Užur