Sverre Morken (mugažo norvegijan kelel; sünd. 19. sulaku 1945, Folldal, Norvegii) om norvegijalaine pirdai i gravirui. Hän om Norvegijan valdkundznaman uden versijan (1992), äiluguižiden banknotoiden da počtmarkoiden tegii. Norvegijan kronan nügüdläižen seičemenden serijan banknotad mülütadas Morkenan dizainad.

Morken Sverre
radmižen toižend:

pirdai, postage stamp designer, graveerija, wood carver

sündundan dat:

19. sulaku 1945(1945-04-19) (78 vot)

sündundan sijaduz:

Folldal[d], Hedmark[d], Norvegii

valdkund:

 Norvegii

Vspäi 1972 mez' radoi Norvegijan Bankan pirdajan i sädi banknotoiden ocpolid. Enamba koumekümned vot Morken gravirui počtmarkoid valdkundaližen počtan täht (Posten Norge). Hänen dizainan äjad norvegižed markad oliba nimitadud parahimiden keskes mail'mas. Mez' sädi enamba 150 markad, se om Norvegijan markoiden kümnendez vspäi 1855. Sen paloin, gravirui ühtni valdkundan standartižiden markoiden «Počtsar'vut»-serijan sädandaha.

Vn 2004 kezakus Sverre Morken sai Kunigahan kuldmötalid arvostadud radmižes (norv.: Kongens fortjenstmedalje) ičeze satusiš čomamahton da dizainan sferas.

Ičeze studii i galerei om Morkenal Nord-Atndalenas. Nügüd'aigan pirdai om lebus, sab penzijad.

Homaičendad vajehta


  Nece kirjutuz om vaiše ezitegez. Tö voit abutada meile, ku kohendat sidä da ližadat sihe.