Mirnii (Arhangel'skan agj)

Mirnii (ven.: Мирный [ˈmʲirnɨj]) om Venäman tedolidn Arhangel'skan agjan päivlaskmas. Se alištub Federacijan tobmudele kut «Mirnii»-SATÜ:n keskuz i alištub Arhangel'skan agjan tobmudele kuti Mirnii-lidnümbrikon administrativine keskuz.

Mirnii
Мирный
 Lidnanznam
 Flag
Valdkund Venäma
Eläjiden lugu (2023) 27,174 ristitud
Pind 50,81 km²
Mirnii Мирный
Pämez' Jurii Sergejev
(keväz'ku 2010—)
Telefonkod +7−81 834-xx-xxx
Avtokod 29
Aigvö UTC+3 (MSK+0)


Sil sanal voib olda toižid znamoičendoid; miše nähta niid, tulgat tänna.

Istorii vajehta

Eländpunktan aluz om pandud vl 1957 kut kontinentidenkeskeižiden raketoiden pästajiden sodalidnut saumovha kosmodromad. Nimitihe eländpunktad Leningrad-400, Leningrad-300 i Mirnii-12. Mirnii sai lidnan statusad vl 1966.

Mirnii šingotase kosmodroman holitusel, mašinansauvomižen tegimel, elektrotehnikan tedotehmižühtelmasel, sauvondan järedal kompanijal.

Geografijan andmused vajehta

 
SATÜ:n sijaduz agjan kartal

Lidn sijadase 115 m ü.m.t. keskmäižel korktusel, om ümbärtud mecal. Kaidan Plesci-järven (ven.: Плесцы) randad sijadasoiš lidnan suvipäivlaskmas.

Matkad Arhangel'skhasai om 195 km orhal i raudtedme vai 310 km avtotedme. Lähembaine lidn om Nändom 120 km suvhe orhal i raudtedme vai 250 km avtotedme. Lähembaine eländpunkt om lidnanvuitte Pleseck-žilo nelläs kilometras suvhe, ühtenzoitase avtotel da raudtel.

Vl 2004 sätihe Mirnii-lidnümbrikod, i lidn om üks'jäižeks elandpunktaks siš. Lidnümbrikon pind om 1762 km².

Eläjad vajehta

Vn 2002 Venäman rahvahanlugemižen mödhe lidnan eläjiden lugu oli 30 502 ristitud, vn 2010 — 30 280 ristitud, vn 2021 — 27 262 ristitud. Vspäi 1996 kaikiš suremb lidnan ristitišt oli 32 245 eläjad vl 2016 i 32 894 eläjad vl 2020. Kaik 32 175 eläjad oli lidnas vl 2017.

Rahvahad (enamba 0,4 % vl 2021): venälaižed — 91,3 %, ukrainalaižed — 1,5 %, totarlaižed — 1,0 %, vaugedvenälaižed — 0,4 %, baškiralaižed — 0,4 %, čuvašalaižed — 0,4 %, toižed rahvahad — 3,0 %, rahvahuden ozutandata — 2,0 %.

Ortodoksižen hristanuskondan kahesa pühäpertid[1] oma saudud i avaitud lidnas: viž jumalanpertid, pühäpert' kodiš, kaks' časounäd.

Mirnijan valdkundaline tegimištoliž-ekonomine tehnikum[2] om lidnan professionaližen opendusen aluzkundaks.

Transport vajehta

Lidnalaine-raudtestancii (ven.: Городская) radab lidnas, ezilidnjonused ajeltas raudtedme kosmodroman erasihe sijihe kaikuččel päiväl.

Pleseck/Plesci-sodalendimport sijadase koumes kilometras suvipäivnouzmha, nimitihe sidä Pero:ks 1990-nzihe vozihesai.

Galerei vajehta

Homaičendad vajehta

  1. Mirnijan pühäpertid sobory.ru-saital. (ven.)
  2. Mirnijan tegimištoliž-ekonomižen tehnikuman sait (mgpet.ru). (ven.)

Irdkosketused vajehta



Arhangel'skan agjan lidnad
Arhangel'sk | Kargopol' | Koräžm | Kotlas | Mezen' | Mirnii | Nar'jan Mar | Novodvinsk | Nändom | Oneg | Severodvinsk | Sol'vičegodsk | Šenkursk | Vel'sk