Mikoi

Mikoi (suom.: Mikkeli, roč.: S:t Michel vai Sankt Michel «Pühä Mikoi») om lidn da lidnankund Suomenman suvipäivnouzmas. Se om valdkundan 18nz' lidn eläjiden lugun mödhe, Suvisavo-agjan pälidn.

Mikoi
Mikkeli (suom.)
S:t Michel (roč.)

Lidnanznam
Valdkund	Suomenma
Eläjiden lugu (2018)	54,057 ristitud
Pind	3,229,57 km²
Pämez'	Timo Halonen (semendku 2015—)
Telefonkod	+358-(0)15
Aigvö	tal'vel UTC+2, kezal UTC+3

Istorii

Ezmäine eländpunkt mainitase vl 1323 kuti alištunu Uz'lidnale Savilahten pagast territorijan andmižen aigan Ročinman tobmuden alle. Nügüdläižen eländpunktan aluz om pandud vl 1838 Nikolai I käskön mödhe gubernijan keskuseks.

Toižen mail'man sodan aigan Suomenman sodavägiden štab sijazihe neciš lidnas, eli läbi äjiš bombardiruindoiš sen tagut.

Geografijan andmused

Lidn sijadase Saimaa-järven randal. Matkad Hel'sinkihesai om 210 km suvipäivlaskmha orhal, 230 km avtotel Lahten kal't, 300 km raudtedme Kouvolan kal't.

Vl 2018 lidnan ühthine pind oli 3 229,57 km², sidä kesken kuivma — 2 548,54 km², sokaz ma oti videndest (681,03 km²).

Mikoi-lidn jagase 38 nimitadud rajonaks, 59 küläd alištudas lidnan tobmudele. Lidnan suim kogoneb 80 ezitajaspäi.

Eläjad

Vl 1980 ristitišt oli 52 505 eläjad. Kaikiš suremb eläjiden lugu oli 55 563 ristitud vl 1995.

Mamankelen mödhe (2016): suomen kel' — 96,1%, ročin kel' — 0,1%, toižed keled — 3,8%.

Ari Liikanen radoi edeližen lidnanpämehen vhesai 2015.

Galerei

• 
  Lidnan ohjastusen pert' vl 2011
• 
  Mikoin evangeliž-lüteranine päjumalanpert' ümbrištonke
• 
  Suvipäivnouzmaižen Suomen sättutoitud tedoiden universitet, Mikoin kampus
• 
  Koncertzal
• 
  Lidnan sportpuišt

Irdkosketused

• Mikoi-lidnan oficialine sait (mikkeli.fi). (suom.) + rahvahidenkeskeižen informacijan jaguz äjil kelil