Mariinsk

Mariinsk
Мариинск
	Lidnanznam;
Valdkund	Venäma
Eläjiden lugu (2021)	37,786 ristitud
Pind	57,2 km²
Pämez'	Vladimir Bobrov; (heinku 2012—)
Telefonkod	+7−38 443-xx-xxx
Avtokod	42, 142
Aigvö	UTC+7 (MSK+4)

Mariinsk (ven.: Марии́нск) om Venäman lidn da lidnankund Kemerovon agjan pohjoižes. Se om Mariinskan rajonan administrativine keskuz.

Istorii vajehta

Ende čuliman totarlaižed elihe lidnan sijas. Vl 1698 venälaižed paniba Kijskoje-žilon alust Moskvan počtantraktal. Vl 1856 žilo sai lidnan statusad.

Vl 1857 udesnimitihe Kijskoje-lidnad Aleksandr II-imperatoran Marija Aleksandrovna-akad (1824−1880) oiktastuseks. Transsib läbiti lidnad 19. voz'sadan lopus, saudihe raudtesildad joges päliči vl 1895. Ortodoksižen hristanuskondan ph. Mikulai-čudonsädajan päjumalanpert' (om udessündutadud toižel sijal vodele 2007) i kaumžoman puine časoun', katoline i judaizman pühäpertid oliba lidnas ende. Om kaičenus äi torgovanoiden kivižid pertid.

Mariinsk šingotase raudten edheotandoil i turizmal, etilspirtan tehmine i alkogoližiden jomižiden kaks' tegint ratas. Transsibirin kivivoinveim om saudud lidnanno.

Geografijan andmused vajehta

Lidn sijadase Kii-jogen (ven.: Кия) hural randal (Čuliman hura ližajogi), 130 m ü.m.t. keskmäižel korktusel. Reljef om tazo. Matkad Kemerovohosai om 141 km suvipäivlaskmha orhal, 168 km avtol vai 225 km raudtedme. Lähembaine lidn om Anžero-Sudžensk 110 km päivlaskmha orhal, 145 km avtotedme vai Trassibadme.

Mariinsk om lidnankundan üks'jäine eländpunkt.

Eläjad vajehta

Vn 2010 Venäman rahvahanlugemižen mödhe eläjiden lugu oli 40 526 ristitud, rajonan seičeme kümnendest. Ristitišton lugu vajehtab 39..43 tuh. eläjid röunoiš vspäi 1959 (43 000 rist. vl 2003).

Mariinskan politehnine tehnikum^[1] om professionaližen opendusen aluzkundaks.

Galerei vajehta

Lidnan muzei vl 2011
Anastasija-sol'menpätajan jumalanpert', vn 2017 nägu
Mariinskan likörvintegim vl 2017
Lauk vl 2011 (ende Poludincev-torgovanan lauk)
Mariinsk-päraudtestancijan sauvuz vl 2014

Homaičendad vajehta

↑ Mariinskan politehnižen tehnikuman sait (marptex.ru). (ven.)

Irdkosketused vajehta

Lidnan tobmuden aluzkundoiden oficialine sait (gorod-mariinsk.ru). (ven.)

Mariinsk Vikiaitas

	Kemerovon agjan lidnad
	Anžero-Sudžensk \| Belovo \| Berözovskii \| Gur'jevsk \| Jurg \| Kaltan \| Kemerovo \| Kiselövsk \| Leninsk Kuzneckii \| Mariinsk \| Meždurečensk \| Miski \| Novokuzneck \| Osinniki \| Polisajevo \| Prokopjevsk \| Salair \| Taig \| Taštagol \| Topki

[1] Mariinskan politehnižen tehnikuman sait (marptex.ru). (ven.)

[1]

Lidnanznam
Valdkund	Venäma
Eläjiden lugu (2021)	37,786 ristitud
Pind	57,2 km²

Pämez'	Vladimir Bobrov (heinku 2012—)
Telefonkod	+7−38 443-xx-xxx
Avtokod	42, 142
Aigvö	UTC+7 (MSK+4)