Labitnangi (ven.: Лабытна́нги, nenc.: Лабытнаӈгы, hant.: Лапыт Нангк «seičeme lehtkuzed», komi: Лабытнанги, ukr.: Лабитнангі) om Venäman lidn da lidnümbrik Jamalan Nenciden avtonomižen ümbrikon lodehes. Se om ümbärtud Uralanverižen rajonan territorijal.

Labitnangi
Лабытнанги (ven.)
Лабытнаӈгы (nenc.)
Лапыт Нангк (hant.)
 Lidnanznam
 Flag
Valdkund Venäma
Eläjiden lugu (2021) 25,501 ristitud
Pind 22 km²
Labitnangi Лабытнанги (ven.) Лабытнаӈгы (nenc.) Лапыт Нангк (hant.)
Pämez' Marina Treskova
(viluku 2016—)
Telefonkod +7−34 992-xx-xxx
Avtokod 89
Aigvö UTC+5 (MSK+2)

Istorii vajehta

Eländpunktan aluz oli pandud hantilaižiden seižundtahon sijas vl 1868. Vl 1932 sädihe kolhozad. Vl 1948 saudihe Labitnangi-lopradtestancijad sarakol Kotlasaspäi. Vn 1952 tal'vkus kätihe radnikžiloks. Vn 1956 redukuspäi Labitnangi oli alištunu Salehard-lidnan nevondkundale. 1960-nzil vozil žilo oli londuseližen gazan löudmižsijiden otandan kävutamižhe bazaks. Labitnangi sai lidnan statusad ümbrikon alištusenke vn 1975 5. päiväl elokud.

Labitnangi šingotase lopraudtestancijan logistikal, raudbetonan tegimel, maidtegimel, gazturbinižel elektrostancijal, gazan löudmižsijiden ecmižen geofizižel edheotandal, mägisuksiden kompleksal.

Geografijan andmused vajehta

Lidn sijadase Obin Vil-Posl-hijaman randal (ven.: Выл-Посл), 20 m ü.m.t. keskmäižel korktusel, Polärižen Uralan päivnouzmaižidenno pautkidenno, Pohjoižen polärižen pirdan pohjoižemb vähän. Matkad Obinjogen hurha randhasai om viž kilometrad suvipäivnouzmha, Salehardhasai om 20 km suvipäivnouzmha. Ehtatim ühtenzoitab lidnoid navigacijan aigan, tal'vte — tal'vel. Salehardan raudte- da avtotesild 2,5 km pitte om vaiše projektas vl 2018.

Labitnangi om lidnankundan üks'jäižeks eländpunktaks.

Eläjad vajehta

Vn 2010 kaiken Venäman rahvahanlugemižen mödhe lidnan eläjiden lugu oli 26 936 ristitud. Kaik 26 281 eläjad oli lidnas vl 2017. Kaikiš suremb lidnan ristitišt oli 31 501 eläjad vl 1989.

Rahvahad (enamba 1 % vl 2010): venälaižed — 73,4 %, ukrainalaižed — 10,1 %, totarlaižed — 2,7 %, komilaižed — 1,9 %, vaugedvenälaižed — 1,7 %, nencalaižed — 1,1 %, hantilaižed — 1,0 %, toižed rahvahad — 8,1 %.

Ortodoksižen hristanuskondan ph. Jurgii-vägestusenkandajan kaks' jumalanpertid[1] oma letud lidnas: vanh om saudud vll 1993−1997 i uz' vl 2007. Islaman mečet' om sauvomas.

Jamalan äiprofil'žen kolledžan (Salehard) filial radab professionaližen opendusen aluzkundaks.

Municipaližen ühtnikan pämez' om sen Administracijan pämez'.

Galerei vajehta

Homaičendad vajehta

  1. Labitnangin pühäpertid sobory.ru-saital. (ven.)

Irdkosketused vajehta



Jamalan Nenciden avtonomižen ümbrikon lidnad
Gubkinskii | Labitnangi | Muravlenko | Nadim | Nojabr'sk | Salehard | Tarkosale | Uz' Urengoi