Kuril'sk

Kuril'sk (ven.: Кури́льск, japon.: クリリスク Kuririsku, edel 1947. vot — Sän-külä, japon.: 紗那村 Säna-mura) om Venäman lidn Sahalinan agjan Iturup-saren keskuzpalan lodehes. Se om Kuril'skan lidnümbrikon administrativine keskuz (edel 2005. vot — rajonan).

Kuril'sk
Курильск

Lidnanznam	Flag
Valdkund	Venäma
Eläjiden lugu (2023)	2,537 ristitud
Pind	1 km²
Pämez'	Vadim Rokotov (sügüz'ku 2017—, velgusentäutai)
Telefonkod	+7−42 454-xx-xxx
Avtokod	65
Aigvö	UTC+11 (MSK+8)

Istorii

Ainalaižiden amuine Sän-eländpunkt (ven.: Сяна) om olmas 2. voz'tuhaspäi edel m.e.. Vll 1855−1945 oli Japonijan oficialižeks palaks. Suren sodan aigan Rusked Armii anasti lidnad vl 1945. Sai lidnan statusad vl 1947, nimitihe Kurilan sariden mödhe.

Kuril'sk šingotase kalantegimen radol sijaližel torhudel.

Geografijan andmused

Lidn sijadase Kurilk-jogensun randal (ven.: Курилка, 22 km pitte), 30 m ü.m.t. keskmäižel korktusel, Tünen valdmeren Ohotskan meren suvirandal. Matkad Suvisahalinskhasai om 440 km lodeheze orhal, voib sadas merilaivištol vai lendimel.

Eläjad

Vn 2010 Venäman rahvahanlugemižen mödhe lidnan eläjiden lugu oli 2 070 ristitud, lidnümbrikon nelländez. Kaik 1 547 eläjad oli lidnas vl 2017. Kaikiš suremb lidnan ristitišt oli 2 699 eläjad vl 1989 i om nügüd'.

Ortodoksižen hristanuskondan kaks' pühäpertid oma saudud lidnas: Jumalannägundan jumalanpert' (letihe vll 1999−2002) i ph. Panteleimon-spravitajan puine časoun' läžundkodinno (2010).

Galerei

• 
  Administrativine sauvuz (1981)
• 
  Skver lidnas (2019)
• 
  Termaližveziden tervehtai «Vannočki»-kompleks (Vannuded) vl 2019
• 
  Lidnan reid (1990)
• 
  Iturup / Jasnii-lendimport läz lidnad vl 2019

Irdkosketused

• Lidnan da lidnümbrikon tobmuden aluzkundoiden oficialine sait (курильск-адм.рф). (ven.)
• Lidn da lidnümbrik Sahalinan agjan ohjastusen oficialižel sakhalin.gov.ru-saital. (ven.)