Kurčatov (Venäma)

Kurčatov (ven.: Курча́тов) om Venäman lidn da lidnümbrik Kurskan agjan keskuzpalan päivlaskmas. Se om agjan koumanz' lidn eläjiden lugun mödhe, Kurčatovan rajonan administrativižeks keskuseks mugažo, ei mülü sihe.

Kurčatov
Курчатов
 Lidnanznam
 Flag
Valdkund Venäma
Eläjiden lugu (2021) 40,318 ristitud
Pind 60,4 km²
Kurčatov Курчатов
Pämez' Igor' Korpunkov
(keväz'ku 2012—)
Telefonkod +7−47 131-xx-xxx
Avtokod 46
Aigvö UTC+3 (MSK+0)


Sil sanal voib olda toižid znamoičendoid; miše nähta niid, tulgat tänna.

Istorii vajehta

 
Muštnik Igor' Kurčatovan oiktastuseks (2010. voz' vai sen aigemba)

Eländpunktan aluz om pandud vn 1968 kevädel sauvomha da holitamha Kurskan atomelektrostancijad, necen kahesan külän-žilon sijas: Gluškovo, Starodubcevo, Pihtino, Tarasovo, Leonovo, Uspenskoje, Mäsnänkino, Zatolokino. Kätihe radnikžiloks vn 1971 22. päiväl tal'vkud nügüdläiženke nimenke Igor' Kurčatov-fizikantedomehen (1903−1960) muštoks. Kurčatovan rajonan keskuz vspäi 1977. Sai lidnan statusad vn 1983 25. päiväl sulakud.

Kurčatov šingotase Kurskan AES:al (elektrusen tehmine) da sen abuedheotandoil (sidä kesken holitišed i pol'fabrikatoiden kombinat[1]), elektrotehnižen mašiništon tegimel[2], sömtegimištol (leibänkombinat, makaronfabrik).

Geografijan andmused vajehta

Lidn sijadase Seim-jogen hural randpolel (ven.: Сейм 696 km pitte, Desnan hura ližajogi), Kurskan vezivaradimen randal (21,5 km², se-žo kävutase AES:an uitoks-vilugoitimeks), 160 m ü.m.t. keskmäižel korktusel.

Matkad Kurskhasai om 37 km päivnouzmha orhal, 46 km avtotel vai 48 km raudtel. Toine lähembaine lidn om L'gov 26 km päivlaskmha orhal, 39 km avtotedme vai 30 km raudtedme. Kurskan vezivaradim om lidnfartaliden pohjoižröunaks, raudte om suviröunaks. Kurčatov-raudtestancii radab lidnan suvipäivlaskmas «Kursk — Voronež»-keskustal. Toine om 428nz' km-raudteplatform suves, sen oficialitoi nimituz om Uspenk.

Tobmuz vajehta

Kurčatov om lidnümbrikon üks'jäižeks eländpunktaks. Lidnümbrikon pind om 60,4 km², sidä kesken lidnfartaliden — läz kümned nellikkilometrad. Lidn jagase ühesaks mikrorajonaks.

Lidnan pämez' om sen Administracijan pämez'. Lidnümbrikon Duman ezimez' om Aleksei Suzdalev vn 2016 redukuspäi.

Eläjad vajehta

Vl 1979 lidnan ristitišt oli 21 774 eläjad. Vn 2010 Venäman rahvahanlugemižen mödhe lidnan eläjiden lugu oli 42 706 ristitud. Kaik 38 776 eläjad oli lidnas vl 2017. Kaikiš suremb lidnan ristitišt oli 48..49 tuhad eläjid vll 1996−2001 (49 100 rist. vl 2001).

Rahvahad (2010): venälaižed — 95,2 %, ukrainalaižed — 2,0 %, toižed rahvahad — 2,8 %.

Ortodoksižen hristanuskondan viž jumalanpertid[3] oma saudud lidnas vspäi 1996.

Professionaline openduz om neniden aluzkundoiden kaks' Kurčatovan filialad: Kurskan valdkundaline politehnine kolledž i Regionaline avol'jaine socialine tehnikum.

Galerei vajehta

Homaičendad vajehta

  1. «Kurskan AES - servis»-kompanijan sait (kaes-service.ru). (ven.)
  2. Kurčatovan «Vektor»-tegimen sait (vector.ecm.ru). (ven.)
  3. Kurčatov-lidnan pühäpertid sobory.ru-saital. (ven.)

Irdkosketused vajehta



Kurskan agjan lidnad
Dmitrijev | Fatež | Kurčatov | Kursk | L'gov | Obojan' | Ril'sk | Sudž | Ščigri | Železnogorsk