Kolizei
Kolizei (ital.: Colosseo, latinan kelen colosseus-sanaspäi «sur'kulu», «ogibal», «kolossaline») vai Flavijoiden amfiteatr (latin.: Amphitheatrum Flavium) om amuine Riman amfiteatr.
Sauvomine vajehta
Kolizei om saudud Rimalaižes imperijas 1. voz'sadal meiden erad Flavijoiden dinastijan koumen imperatoran aigan (Vespasian, Tit i Domician), vozil 72−80 tobman palan i vll 81−96 ližasauvondad. Kogoneb travertinaspäi, vulkanižes tufaspäi da betonaspäi.
Kävutand vajehta
Amfiteatr seižub putkotadud Neronan järven sijas. Sauvuz oli kaikiš suremb mugoine imperijas, mülüti 50 tuhad kacujid, kävutihe sidä bobuštamha rahvahad. Kolizei om saudud ozutamha imperatoran vägevut, kundaližeks ičezkaluištoks Neronan järvespäi erineden. 6. voz'sadal varvarad kävutihe Kolizejan keskuzpalad kaumžomaks i seinäd eländtahoks.
Vn 1349 manrehkaiduz mureni sauvusen sein, sil aigalpäi zavottihe otta savičuid Kolizejaspäi.
Nügüdläine olend vajehta
Nügüd' vaiše koumandez om kaičenus eziauguižes sauvusespäi. Arhitekturižen kompleksan olend om avarijal'ne. Vspäi 1980 Kolizei mülüb UNESCO:n mail'man jäl'gushe palaks.
Galerei vajehta
-
Kolizejan kuva vn 80 m.e. amuižrimalaižen monetan polel
-
Nägu Farnezianižiš saduišpäi vl 2010
-
Sekcijan südäinägu (2010)
-
Kolizei vl 2022
-
Kolizejan südäin vl 2011
-
... i vl 2022
-
Amuižen südäinägun rekonstrukcii
Homaičendad vajehta
Irdkosketused vajehta
- Lehtpol' Kolizejas Italijan kul'tur- da turizmministrusen archeoroma.beniculturali.it-saital. (ital.) (angl.)
Kolizei Vikiaitas |