Kičmengan Lidnut


Kičmengan Lidnut (ven.: Ки́чменгский Городо́к, sijaližed paginnimed oma Кич-Городок i muite Городок) om Venäman žilo Vologdan agjan päivnouzmas. Se om Kičmengan ümbrikon (edel vn 2022 kezakud — rajonan) administrativine keskuz da kaikiš suremb eländpunkt.

Kičmengan Lidnut
Кичменгский Городок
Valdkund Venäma
Eläjiden lugu (2021) 6,103 ristitud
Kičmengan Lidnut Кичменгский Городок
Telefonkod +7−81 740-xx-xxx
Avtokod 35
Aigvö UTC+3 (MSK+0)

Istorii vajehta

Eländpunkt mainitase ezmäižen kerdan vl 1468 Kazanin totarlaižiden satusekahan londan tagut, hö napriba poltta lidnust. Žilo om pandud geografižele «Sur' Pirdatez»-kartale vl 1599. Petrovskai- i Mihailovskai-jarmankad mäniba žilos joga vodel edel nevondkundališt aigad.

Kičmengan Lidnut šingotase valdkundaližil holitišil, mectehmižen edheotandal i lihanümbriradajal kompanijal.

Geografijan andmused vajehta

Žilo sijadase rajonan keskuzpalas, kukhikahas tahondas, Jug-jogen hural randal, Kičmen'gan lanktendanno sihe huralpäi.

Matkad agjan Vologd-pälidnhasai om 344 kilometrad päivlaskmha orhal vai 474 km avtotedme. Lähembaine lidn om Nikol'sk 50 kilometrad suvhe-suvipäivlaskmha orhal vai 64 km avtotedme.

Tobmuz vajehta

Vn 2022 kezakuhusai žilo oli Gorodeckoje-küläkundan keskuseks, se om kätud territorialižeks palakundaks. Municipaline «Gorodeckoje»-ühtnik oli olmas vspäi 2006.

Vspäi 2013 küläkund mülüti 100 eländpunktad, niiden kesken ühesa žilod, 90 küläd i Hohlovo-počinok. Küläkundan pind oli 2459,2 nellikkilometrad.

Küläkundan tobmuden pämez' oli sen Administracijan pämez'. Irina Nekipelova radoi küläkundan jäl'gmäižen pämehen (reduku 2017 — kül'mku 2022). Küläkundan Administracii om likvidiruidud vn 2023 keväz'kus. Küläkundan Nevondkund radoi vll 2006−2012.

Eläjad vajehta

Vn 2002 Venäman rahvahanlugemižen mödhe žilon eläjiden lugu oli 6 754 ristitud, vl 2010 — 6 421 ristitud. Kaikiš suremb žilon ristitišt oli 6 766 eläjad vl 1989. Rajonan ristitišton koumandez eläb žilos. Kaik 9 573 eläjad oli küläkundas vl 2021.

Ortodoksižen hristanuskondan koume jumalanpertid[1] oma kaičenus žilos: ph. Aleksandr Nevalaižen (letihe vll 1882−1895), Jumalanmaman Emäganpäivän kivine (saudihe vll 1893−1906), Spasan Toižetamižen (ei ole rados, om saudud vll 1792−1805). Niiden ližaks phh. Afanasii Aleksandrijalaižen i Feodor Stratilatan kivine jumalanpert' ei ole kaičenus (oli saudud vll 1786−1817, sauptihe vl 1939 da sid' rušihe).

Nened büdžetižed aluzkundad oma žilos: čomamahtoiden lapsidenškol, kul'turpert', fol'klorkeskuz, kirjišt, kinokeskuz, kodirandantedištandmuzei i rajonan läžundkodi. Opendusen aluzkundad oma kaks' keskškolad (Pervomaiskai i Kičmengan Lidnuden), profškol ei ole rados vspäi 2014.

Transport vajehta

Üks'jäine avtobusmaršrut radab žilos. «Manturovo — Nikol'sk — Kotlas»-avtote läbitab žilod.

Ei ole regulärižid reisid «Kičmengan Lidnut»-lendimportaspäi vn 2012 heinkuspäi.

Homaičendad vajehta

  1. Kičmengan Lidnuden pühäpertid sobory.ru-saital. (ven.)

Irdkosketused vajehta