Kartali
Kartali (ven.: Карталы́, ukr.: Картали, tot.: Кәртәле) om Venäman lidn, lidnankund da raudtesol'm Čeläbinskan agjan suves. Se om Kartalin rajonan administrativine keskuz.
Lidnanznam
|
Flag
|
| Valdkund | Venäma |
| Eläjiden lugu (2023) | 26,679 ristitud |
| Pind | 86,13 km² |
| |
| Pämez' | Vladimir Vereta (keväz'ku 2021—) |
| Telefonkod | +7−35 133-xx-xxx |
| Avtokod | 74, 174 |
| Aigvö | UTC+5 (MSK+2) |
Istorii vajehta
Eländpunktan aluz om pandud vll 1914−1915 kuti žilo udenno Kartali-stancijanno «Troick — Orsk»-raudtekeskustan sauvomižen aigan. Nimitihe jogen mödhe. Aigan mändes Kartali ühtenzoiti žiloid kivihilen kaivuzidenno i kozakoiden Poltavk-žilod (aluz 1843 kuti Poltavskii). Kartali-žilo sai lidnan statusad vn 1944 17. päiväl sulakud. Vll 1964−2005 raketdivizii seižui lidnanvuiččes Lokomotivnii-žilos koume kilometrad lidnaspäi, se žilo om erine lidnümbrik (ei ole SATÜ:n statusad vspäi 2017) i ei mülü rajonha.
Kartali šingotase raudten edheotandoil, šebnän samižel, sömtegimištol (villänpurnud, leibän produktoiden pästand). Om maižanduzrajonan keskuseks.
Geografijan andmused vajehta
Lidn sijadase rajonan keskuzpalan päivnouzmas, Karataliajat-jogen oiktal randal päpaloin (ven.: Караталыаят 175 km pitte, Tobolan hurapol'ne bassein), 300 m ü.m.t. keskmäižel korktusel. Matkad Kazahstanan röunhasai om 25 km päivnouzmha raudtedme, Čeläbinskhasai om 240 km pohjoižhe orhal, 321 km avtotedme vai raudtedme. Lähembaine lidn om Magnitogorsk 118 km lodeheze orhal, 168 km avtotel vai 140 km raudtel.
Kaks' raudtestancijad ratas lidnas, Kartali-I i Kartali-II.
Tobmuz vajehta
Kartali om lidnankundan üks'jäižeks eländpunktaks.
Lidnankundan tobmuden pämez' om sen Administracijan pämez'. Edeližed Administracijan pämehed oma Stanislav Markovskii (reduku 2019 — tal'vku 2020), Oleg Germanov (sügüz'ku 2017 — sügüz'ku 2019). Lidnankundan Deputatoiden nevondkundan ezimez' om Jelena Protasova vn 2019 vilukuspäi. Edeline Deputatoiden nevondkundan ezimez' om Natal'ja Novokreščenova (kül'mku 2015 — viluku 2019).
Eläjad vajehta
Vn 2010 Venäman rahvahanlugemižen mödhe lidnan eläjiden lugu oli 29 131 ristitud, rajonan koume videndest, vn 2021 — 27 103 ristitud. Kaik 28 577 eläjad oli lidnas vl 2017. Kaikiš suremb lidnan ristitišt oli 42 801 eläjad vl 1970.
Rahvahad (2010): venälaižed — 89,5 %, ukrainalaižed — 2,7 %, kazahlaižed — 2,3 %, totarlaižed — 2,1 %, toižed rahvahad — 3,4 %.
Ortodoksižen hristanuskondan koume jumalanpertid[1] oma kaičenus i saudud lidnas: Jumalanmaman Kazanin jumalaižen (om saudud vll 1900−1903), Mihail-arhangelan (2007), Jumalanmaman «Kaikiden gorähižiden ihastuz»-jumalaižen (2014−2015).
Kartalin äisarakoline tehnikum[2] om lidnan professionaližen opendusen aluzkundaks.
Galerei vajehta
-
Enzne lidnanznam, oli väges vll 1944−2002 -
Edeline lidnanznam, oli väges vll 2002−2007 -
Mramoran ümbriradmižen ceh läz lidnad (2012) -
Kartalin äisarakoline tehnikum (2008, sil aigal profškol nomer 42, üks' sauvusišpäi) -
Läbiajand raudten al lidnas (2008)
_(1999).png)
Homaičendad vajehta
- ↑ Kartalin pühäpertid sobory.ru-saital. (ven.)
- ↑ Kartalin äisarakoližen tehnikuman sait (кмт74.рф). (ven.) (+ äikel'ne avtomatine känduz)
Irdkosketused vajehta
| Kartali Vikiaitas |
| Čeläbinskan agjan lidnad | ||
| Aš | Bakal | Čebarkul' | Čeläbinsk | Jemanželinsk | Jurüzan' | Karabaš | Kartali | Kasli | Katav-Ivanovsk | Kištim | Kopeisk | Korkino | Kus | Magnitogorsk | Miass | Min'jar | Näzepetrovsk | Ozörsk | Plast | Satk | Sim | Snežinsk | Suviural'sk | Zlatoust | Troick | Tröhgornii | Ust'-Katav | Üläufalei | Üläural'sk | ||