Kalininsk
Kalininsk (ven.: Кали́нинск) om Venäman lidn da lidnankund Saratovan agjan suvipäivlaskmas. Se om Kalininskan rajonan administrativine keskuz.
Lidnanznam | |
Valdkund | Venäma |
Eläjiden lugu (2021) | 15,207 ristitud |
Pind | 24 km² |
Pämez' | Sergei Nugaev (sulaku 2013—) |
Telefonkod | +7−84 549-xx-xxx |
Avtokod | 64, 164 |
Aigvö | UTC+4 (MSK+1) |
Istorii vajehta
Ende tahondan nimituz oli Balandinskii-jurt, poimihe marjoid, saihe met, vahad, kalad, senid, živatoiden karvoid. Eländpunktan aluz om pandud vl 1680, nimitihe jogen mödhe: Balandinskii-lidnut, Baland (ven.: Баланда). Vl 1895 raudte tuli torguindžilho, saudihe Bokovai-stancijad (ven.: Боковая). Vspäi 1897 oli Baland-slabadaks. Kätihe radnikžiloks vl 1939. Žilo sai lidnan statusad vl 1962 udenke nügüdläiženke nimitusenke, nevondkundaližen valdkundan Mihail Kalinin-šingotajan kanzannimen mödhe. Kalinin edesti žilon raudtedepon i Rusttan armijan saldatoiden suimil vn 1919 20. päiväl heinkud.
Kalininsk šingotase himižel tegimel, sauvondmujuiden tegimel, sömtegimištol (lihakombinat, oludtegim).
Geografijan andmused vajehta
Lidn sijadase Baland-jogen oiktal randal tobjimalaz (ven.: Баланда 164 km pitte, Don-jogen hurapol'ne bassein), 150 m ü.m.t. keskmäižel korktusel. Matkad Saratovhasai om 103 km päivnouzmha orhal, 114 km avtotedme vai 130 km raudtedme. Lähembaižed lidnad oma Žirnovsk (Volgogradan agj) 61 km suvhe orhal vai 84 km avtotel, i Atkarsk 55 km pohjoižpäivnouzmha orhal, 78 km avtotedme vai raudtedme. Kalininsk-Saratovskii-lopraudtestancii radab lidnan päivlaskmas.
Kalininsk om lidnankundan üks'jäine eländpunkt. Lidnan administracii om likvidiruidud vn 2014 redukus, rajonan administracii tegeb sen velgusidme.
Eläjad vajehta
Vn 2010 Venäman rahvahanlugemižen mödhe lidnan eläjiden lugu oli 16 441 ristitud, rajonan pol'. Kaikiš suremb lidnan ristitišt oli 18..20 tuhad eläjid vll 1979−2009 (20 100 rist. vll 1998−2001).
Rahvahad (2010): venälaižed — 91,2%, ukrainalaižed — 3,8%, armenijalaižed — 1,1%, toižed rahvahad — 3,9%.
Ortodoksižen hristanuskondan ph. Ol'gan jumalanpert'[1] om avaitud lidnas vl 1989 enččen bankan i torgovanan pertiš. Islaman mečet' radab toštmižsaudud vanhas puižes pertiš vspäi 1994.
Kalininskan agrobiznesan tehnikum[2] om lidnan professionaližen opendusen aluzkundaks.
Homaičendad vajehta
Irdkosketused vajehta
- Lidnan da rajonan oficialine sait (kalininsk.sarmo.ru). (ven.)
- Lidnan informacine sait (kalininsk.ru). (ven.)
Saratovan agjan lidnad | ||
Arkadak | Atkarsk | Balakovo | Balašov | Engel's | Hvalinsk | Jeršov | Kalininsk | Krasnii Kut | Krasnoarmeisk | Marks | Novouzensk | Petrovsk | Pugačov | Rtiščevo | Saratov | Šihani | Vol'sk | ||