Kaiv vai kaid om gidrotehnine sauvuz gruntveziden samižen täht. Tobjimalaz nece om püštoiged süvenduz varmitadud seinidenke i mehanizm veden libundan täht (vädr-jodog noras, čepiš, vai pomp), vai muite palik koukunke mehanizmata.

Kaiv Pineganmal, Arhangel'skan agj, 1986

Sädamine vajehta

Valitas sijid sauvomha kaivod elektro- vai seismotedištelendal. Löutas gruntvet niiden elektrovastustusen alendusen mödhe (10..50 Om*m) i pit'kan lainhen piguden lujendusen mödhe 1,6..1,8 tuhad metrihesai sekundas. Kaidas kaivod käzimahtoil tobjimalaz kaičemha mahusen strukturad. Kaiv erineb mareiguspäi surembal levedusel, sen reig voib olda nellikanvuitte-ki.

Kaivoiden palad oma kaivuz, pä ülemb man tazopindad, vedenotai alah. Seiniden material oleleb raudbetonižed renghad, pumaterial (lehtkuz', pedai, tamm, hab, lep vai koiv ottas struban ala- i üläpaloiden täht), kivine vai savičpaneg.

Kaiv om tarbhaine veden varapurtkeks uman täht. Ühted kaikiš süvembiš kaivoišpäi oma Karakum-letetazangištos. Niišpäi äjad oma enamba sadad metrad süvütte, üks' — 270 metrad.

Debit vajehta

Ühten kaivon debit gruntaspäi märičese formulan mödhe[1]:  .

Siš   om fil'tracijan koefficient,   — gruntveden olendan statine tazopind,   — dinamine tazopind (veden samižes kaivospäi  -verdanke aigan märičendühtnikas),   — 250..500 m letkesižen gruntan täht, 700 m čuruman täht,   — kaivon radius (metriš).

Kaivho sidodud vepsän muštatiž vajehta

  • Süväs kaivos vezi ei lopte.

Homaičendad vajehta

  1. Зиновьев В. А. Краткий технический справочник (Lühüd tehnine tedonandmižkirj). Т. 1. — M.: Gosizdat, 1949. — Lp. 386.