Janaul
Janaul (ven.: Янау́л, bašk.: Яңауыл «uz' külä», tot.: Яңавыл) om Venäman lidn da lidnankund Baškortostanan Tazovaldkundan lodehes. Se om Janaulan rajonan administrativine keskuz.
Lidnanznam |
Flag |
Valdkund | Venäma |
Eläjiden lugu (2020) | 25,109 ristitud |
Pind | 26 km² |
Pämez' | Firdaves Mindijarov (kül'mku 2016—) |
Telefonkod | +7−34 760-xx-xxx |
Avtokod | 02, 102 |
Aigvö | UTC+5 (MSK+2) |
Istorii vajehta
Eländpunktan aluz om pandud Janaul-raudtestancijaks «Kazan' — Jekaterinburg»-raudtekeskustan sauvomižen aigan vl 1914. Nimitihe lähižen külän mödhe (mainitase vspäi 1750). Vl 1991 žilo sai lidnan statusad.
Janaulan pätehmižed oma kivivoin da gazan «Arlanneft'»-samižohjanduz, maidtegim i heitmatomiden sauvusenkonoriden tegim.
Geografijan andmused vajehta
Lidn sijadase Bui-jogen (ven.: Буй, bašk.: Беүә „быуа“-sanaspäi «padosein», Kaman hura ližajogi) randpolel, 100 m ü.m.t. keskmäižel korktusel. Pen' 22-kilometrine Janaul-jogi i Buin mödvedhe pen' 27-kilometrine Šudek-jogi (bašk.: Шүдек) lanktas sihe ani pohjoižhe lidnaspäi. Matkad Permin randan röunhasai om kuz' kilometrad pohjoižpäivnouzmha, Ufahasai — 183 km suvhe orhal vai 210 km avtotedme. Lähembaine lidn om Neftekamsk 47 km suvipäivlaskmha avtotedme.
Avtobusad da ezilidnelektrojonused ühtenzoittas lidnad lähižidenke järedoidenke lidnoidenke.
Janaul om lidnankundan üks'jäižeks eländpunktaks.
Eläjad vajehta
Vn 2010 kaiken Venäman rahvahanlugemižen mödhe lidnan eläjiden lugu oli 26 924 ristitud, rajonan viž ühesandest. Kaikiš suremb lidnan ristitišt oli 29 300 eläjad vl 2001.
Rahvahad (enamba 1 % vl 2010, ozutadud rahvahudenke): baškiralaižed — 39,4 %, totarlaižed — 29,9 %, venälaižed — 16,5 %, udmurtalaižed — 9,0 %, marilaižed — 3,9 %, toižed rahvahad — 1,3 %.
Islaman Iman-päpühäpert' om avaitud lidnas. Ortodoksižen hristanuskondan Iverijan Jumalanmaman jumalaižen jumalanpert'[1] om letud vl 1993.
Ufan politehnižen tehnikuman Janaulan filial om lidnan professionaližen opendusen aluzkundaks.
Galerei vajehta
-
Puruvedim muštnikaks vl 2018
-
Janaulan rajonan keskuzline läžundkodi (2011)
-
Janaul-päraudtestancijan sauvuz vl 2018
Homaičendad vajehta
Irdkosketused vajehta
- Lidnan tobmuden aluzkundoiden sait (yanaul-adm.ru). (ven.)
- Lidnan i Janaulan rajonan oficialine sait (yanaul.bashkortostan.ru). (ven.)
Janaul Vikiaitas |
Baškortostanan Tazovaldkundan lidnad | ||
Agidel' | Baimak | Belebei | Beloreck | Birsk | Blagoveščensk | Davlekanovo | Dürtüli | Išimbai | Janaul | Kumertau | Meleuz | Mežgor'je | Neftekamsk | Oktäbr'skii | Salavat | Sibai | Sterlitamak | Tuimazi | Učali | Uf | ||