Hudžand

Hudžand (tadž.: Хуҷанд, ven.: Худжанд) om lidn Tadžikistanan lodehes. Se om valdkundan kahtenz' lidn eläjiden lugun mödhe, Sogdan agjan administrativine keskuz.

Hudžand
Хуҷанд

Lidnanznam	Flag
Valdkund	Tadžikistan
Eläjiden lugu (2020)	183,356 ristitud
Pind	285 km²
Pämez'	Firdavs Šarifzoda (kül'mku 2020—, Фирдавс Шарифзода)
Telefonkod	+992−3422
Aigvö	UTC+5

Istorii

Eländpunktan aluz om pandud 7.-6. voz'sadal EME, mainitaškanzihe siš-žo aigaspäi, nimitihe nügüdläižikš. Sijazihe Šuuktel. Lidnuz om kaičenus. Vll 1936−1991 lidnan oficialine nimituz oli Leninabad (ven.: Ленинабад).

Hudžand šingotihe šuukan kombinatal nevondkundaližen aigan.

Geografijan andmused

Lidn sijadase agjan pohjoižpalas, Sirdarj-jogen randoil, 300 m ü.m.t. keskmäižel korktusel. Matkad Dušanbe-pälidnhasai om 200 km suvipäivlaskmha orhal vai 300 km avtotedme.

Klimat om kuiv. Kezal om räk, tal'v om viluhk. Voden keskmäine lämuz om +15 C°, kezakus-elokus +27..+29 C°, tal'vkus-uhokus +1..+3 C°. Paneb sadegid 167 mm vodes, enamba keväz'kus-semendkus (20..27 mm kus), vähemba heinkus-sügüz'kus (8 mm pordos).

Eläjad

Vl 2011 lidnan eläjiden lugu oli 165 tuhad ristitud. Kaik 916 200 ristitud elädas lidnaglomeracijas (2015). Kaikiš suremb lidnan ristitišt om nügüd'.

Hudžandan valdkundaline universitet (tadž.: Донишгоҳи давлатии Хуҷанд, läz 17 tuh. üläopenikoid, vll 1932−1991 pedagogine institut) i Tadžikan tehnižen universitetan Hudžandan politehnine institut oma avaitud lidnas.

Irdkosketused

• Lidnan oficialine sait (khujand.tj). (tadž.) (ven.)