Honiar

Honiar (angl.: Honiara [ˌhoʊniˈɑːrə]) om Solomonan Sariden pälidn, kaikiš suremb lidn da meriport. Se om valdkundan Pälidnaine territorii, mugažo Guadalkanalan agjan administrativižeks keskuseks, ei mülü sihe.

Honiar
Honiara

Flag
Valdkund	Solomonan Sared
Eläjiden lugu (2021)	92,344 ristitud
Pind	22 km²
Telefonkod	+677-
Aigvö	UTC+11

Istorii

Eländpunktan aluz om pandud Toižen mail'man sodan jäl'ghe 1940-nzil vozil kuti britanižen protektoratan pälidn saren lendimportanno. Honiar om tedištoittud pälidnaks vl 1952. Om ripmatoman valdkundan pälidnaks vn 1978 heinkuspäi.

Honiar šingotase pälidnan funkcijoil, turizmal, valdkundan transportsol'meks i üläopendusen keskuseks.

Geografijan andmused

Lidnan ümbrikod (2019)

Lidn sijadase valdkundan keskuzpalas, Guadalkanal-saren lodehližel randal, 29 m ü.m.t. keskmäižel korktusel. Manatikau-jogi lankteb Solomonan merhe lidnan territorijal. Azjaline da kul'turine keskuz i meriport oma Point Kruzas, Vavaea-ümbrik.

Klimat om tropine vihmmecoiden. Voden keskmäine lämuz om +26,5 C°, kuidme +26,1..+26,8 C° vodes läbi. Ekstremumad oma +17,6 C° i +36,1 C°. Paneb sadegid 2177 mm vodes, enamba vilukus-keväz'kus (277..362 mm kus), vähemba kezakus-sügüz'kus (92..100 mm kus).

Honiar jagase 12 valičemižümbrikoks (angl.: ward).

Eläjad

Vl 2009 lidnan eläjiden lugu oli 64 609 ristitud. Kaikiš suremb ristitišt om nügüd'.

Eläjad oma melanezijalaižed i hristanuskojad päpaloin.

Transport

Point Kruz-meriport radab.

Rahvahidenkeskeine soda- da civiline Honiar-lendimport (HIR / AGGH) sijadase kahesas kilometras päivnouzmha pälidnaspäi. Tehtas reisid Valdmerimaiden erasihe pälidnoihe, Solomonan sariden äjihe eländpunktoihe, Brisbenha (Avstralii, sidä kesken jügureisid).

Sebruzlidnad

• Vanuatu Lüganvil', Vanuatu (vspäi 2013)