Gubkinskii (ven.: Гу́бкинский, tot.: Губкинский, ukr.: Губкінський) om Venäman lidn da lidnümbrik Jamalan Nenciden avtonomižen ümbrikon päivnouzmas. Se om ümbärtud Puran rajonan territorijal.

Gubkinskii
Губкинский
 Lidnanznam
 Flag
Valdkund Venäma
Eläjiden lugu (2021) 33,273 ristitud
Pind 35 km²
Gubkinskii Губкинский
Pämez' Andrei Bandurko
(eloku 2023—)
Telefonkod +7−34 936-xx-xxx
Avtokod 89
Aigvö UTC+5 (MSK+2)

Istorii vajehta

Eländpunktan aluz om pandud vn 1986 22. päiväl sulakud keskuseks otmaha kävutamižhe kivivoin da sen gazan kaikiš pohjoižembiden löudmižsijiden gruppad Päivlaskmaižes Sibiriš. Nimitihe nevondkundaližen Ivan Gubkin-geologan kanzannimen mödhe, hän endusti Päivlaskmaižen Sibirin kivivoid.

Gubkinskii-žilo sai lidnan statusad vl 1996. Se šingotase kivivoin («Rosneft'»-kompanijan «PN-Purneftegaz»-alajaguz) i gazan («Gazprom») samižel. Vaumitas kivivoin gazad da sadas sišpäi benzinad Gubkinskijan gazanümbriradajal tegimel («SiburTümen'Gaz»).

Geografijan andmused vajehta

Lidn sijadase Päkupur-jogen hural randal (542 km pitte, Puran hura joginišk), 55 m ü.m.t. keskmäižel korktusel, mectundran zonas. Matkad Salehardhasai om 512 km lodeheze orhal vai 890 km avtotedme. Lähembaine lidn om Tarkosale 95 km pohjoižpäivnouzmha avtol. Lähembaine raudtestancii sijadase Purpe-žilos 16 km pohjoižpäivnouzmha.

Klimat om terav kontinentaline. Voden keskmäine lämuz om −4 C°, heinkun +20,2 C°, vilukun −26,9 C°. Ekstremumad oma −62,2 C° i +36,4 C°. Voden keskmäine relätivine nepsuz om 77 %.

Tobmuz vajehta

Gubkinskii om lidnümbrikon üks'jäižeks eländpunktaks.

Municipaližen ühtnikan pämez' om sen Administracijan pämez'. Edeline lidnan pämez' om Andrei Garanin (reduku 2018 — eloku 2023).

Eläjad vajehta

Vn 2010 kaiken Venäman rahvahanlugemižen mödhe eläjiden lugu oli 23 335 ristitud. Kaik 27 238 eläjad oli lidnas vl 2017. Kaikiš suremb lidnan ristitišt om nügüd'.

Rahvahad (enamba 0,8 % vl 2010): venälaižed — 60,8 %, ukrainalaižed — 12,0 %, totarlaižed — 7,1 %, baškiralaižed — 3,5 %, vaugedvenälaižed — 2,4 %, kumikad — 1,7 %, moldovalaižed — 1,6 %, azerbaidžanlaižed — 1,0 %, čuvašalaižed — 0,9 %, toižed rahvahad — 7,9 %, rahvahuden ozutandata — 1,1 %.

Ortodoksižen hristanuskondan kaks' pühäpertid[1] oma sätud lidnas: ph. Mikulai-čudonsädajan kivine jumalanpert' (om saudud vll 2003−2012) i vanh puine ph. Mikulai-čudonsädajan jumalanpert' (letihe vl 1994, ei ole rados). Islaman mečet' om avaitud lidnas.

Muravlenkon äiprofil'žen kolledžan filial[2] i Udmurtijan valdkundaližen universitetan filial oma lidnan professionaližen opendusen aluzkundoikš.

Galerei vajehta

Homaičendad vajehta

  1. Gubkinskijan pühäpertid sobory.ru-saital. (ven.)
  2. Muravlenkon äiprofil'ne kolledž, Gubkinskijan filialan sait (gubkolledg.yanao.ru). (ven.)

Irdkosketused vajehta



Jamalan Nenciden avtonomižen ümbrikon lidnad
Gubkinskii | Labitnangi | Muravlenko | Nadim | Nojabr'sk | Salehard | Tarkosale | Uz' Urengoi