Galac (rom.: Galați [ɡaˈlat͡sʲ]) om Romanijan lidn da port valdkundan päivnouzmas-suvipäivnouzmas. Se om valdkundan kahesanz' lidn eläjiden lugun mödhe, Galacan ümbrikon administrativine keskuz.

Galac
Galați
Lidnanznam
Valdkund Romanii
Eläjiden lugu (2016) 304,340 ristitud
Pind 246,4 km²
Galac Galați
Pämez' Ionuc-Florin Pukänu
(2016—,
Ionuț-Florin Pucheanu)
Telefonkod +40-(0)x36
Aigvö tal'vel UTC+2,
kezal UTC+3

Istorii vajehta

Eländpunkt mainitase vspäi 1445. Nimituz libub grekižes Galazion-sanaspäi (grek.: Γαλαζιον «taivazma»), mugoi lidnan nimi oli Vizantijan imperijas.

Galac šingotase raudan metallurgijan «Arselor-Mittal»-kompanijan kombinatal, laivansauvomižel i merijogiportal, himižel tegimištol, tekstilin da meblin pästandal.

Geografijan andmused vajehta

Lidn sijadase röunanno Moldovanke, kontrol'punkt radab lidnanno, i ei edahan Ukrainan röunaspäi. Levitase Dunain suhišton hural randal, koumel terrasal, 55 m ü.m.t. keskmäižel korktusel. Matkad Mustmerennoks om 80 kilometrad. Lähembaine järed lidn om Brejil 15 km suvhe Dunain ülezjogen.

Klimat om ven kontinentaline, keza om räk. Voden keskmäine lämuz om +11,1 C°, minimaline il'man lämuz oleskeli −28,6 C°. Paneb sadegid 487 mm vodes, 24 millimetraspäi uhokus 69 millimetrhasai kezakus.

Eläjad vajehta

Vn 2011 Romanijan rahvahanlugemižen mödhe lidnan eläjiden lugu oli 249 432 ristitud. Kaikiš suremb lidnan ristitišt oli 326 141 eläjad vl 1992.

Ristitišton 98,5% oma romanijalaižed (2011).

Galacan «Dunărea de Jos» (Aladunain) universitet radab vspäi 1974 (11 752 üläopenikad 2015−2016. openduzvodes), se om sätud politehnižen i pedagogižen institutoiden ühtištusel.

Irdkosketused vajehta