Džordžtaun (lidn, Suvikarolin)

Džordžtaun (angl.: Georgetown) om AÜV:oiden lidn da meriport Suvikarolin-štatan päivnouzmas. Se om Džordžtaunan ümbrikon administrativine keskuz.

Džordžtaun
Georgetown

Valdkund	Amerikan Ühtenzoittud Valdkundad
Eläjiden lugu (2020)	8,403 ristitud
Pind	19,65 km²
Pämez'	Kerol Džeiroi (viluku 2022—, Carol R. Jayroe)
Telefonkod	+1−843
Aigvö	tal'vel UTC−5, kezal UTC−4

Sil sanal voib olda toižid znamoičendoid; miše nähta niid, tulgat tänna.

Istorii

Eländpunkt om registriruidud vl 1729, štatan koumanz' lidn alusenpanendan datan mödhe. Ende lidnan tahond šingotihe indigon i risan kazvatandal, mecan ümbriradmižel, sid' cellülozbumagaižel tegimel, himižel tegimel, metallurgijan tegimel (teraz).

Džordžtaun šingotase turizmal i meriportal (läz 1 mln tonnad materialoid vodes), se om štatan kahtenz' surtte Čarlstonan portan jäl'ghe.

Geografijan andmused

Lidn sijadase Vakkamo-jogen (angl.: Waccamaw River 225 km pitte) estuarijan randal (Atlantižen valdmeren Vinjah-laht), viž metrad ü.m.t. keskmäižel korktusel. Matkad štatan Čarlston-pälidnhasai om 97 km suvipäivlaskmha avtotedme.

Klimat om subtropine neps. Voden keskmäine lämuz om +18,4 C°, kezakun-elokun +26..+27 C°, tal'vkun-uhokun +3..+4 C°. Paneb sadegid 1408 mm vodes, enamba heinkus-sügüz'kus (165..180 mm kus), vähemba kül'mkus (79 mm) i vilukus-semendkus (85..90 mm kus).

Eläjad

Vn 2010 AÜV:oiden rahvahanlugemižen mödhe lidnan eläjiden lugu oli 9 163 ristitud. Kaikiš suremb ristitišt oli 12 261 eläjad vl 1960.

Irdkosketused

• Lidnan oficialine sait (georgetownsc.gov). (angl.) (+ äikel'ne avtomatine känduz)