Bogotol (ven.: Богото́л) om Venäman lidn, lidnümbrik da järed raudtestancii Krasnojarskan randan suvipäivlaskmas. Se om Bogotolan rajonan administrativine keskuz, ei mülu rajonha, om lidnaks randan alištusenke.

Bogotol
Боготол
 Lidnanznam
 Flag
Valdkund Venäma
Eläjiden lugu (2020) 19,576 ristitud
Pind 62,81 km²
Bogotol Боготол
Pämez' Andrei Artibäkin
(eloku 2015—)
Telefonkod +7−39 157-xx-xxx
Avtokod 24, 84, 88, 124
Aigvö UTC+7 (MSK+4)

Istorii vajehta

Sibirin traktan Bogotol'skai-stancii oli olmas 18. voz'sadan kahtendes polespäi. Se om nügüd'-ki kuti erine Bogotol-külä (Čuliman oiktal randal). Bogotol-lidnan aluz om pandud vl 1893 žiloks Bogotol'skai-raudtestancijanno holitamha Transsibad. Žilo sai lidnan statusad vl 1911.

Bogotolan ižandusen päedheotandad oma sidodud raudten radonke (depod, vagonoiden kohenduztegim). Mugažo söndtavaroiden pästand sijaližes torhudespäi i instrumentan lukkolsepoiden da montažnikoiden täht tehmine oma olmas.

Geografijan andmused vajehta

Transsib-raudte läbitab lidnad. Bogotol sijadase mecstepin zonas, 290 m ü.m.t. keskmäižel korktusel. Reljef om kukhikaz. Matkad lidnan keskusespäi Čulim-jogehesai (Obin oiged ližajogi) om kuz' kilometrad suvhe, röunaspäi — kaks' kilometrad suvhe, Krasnojarskhasai om 252 km päivnouzmha. Lähembaine järed lidn om Ačinsk 70 km päivnouzmha «Sibir'»-avtotedme (R255). Avtote mäneb lidnan i Bogotol-külän keskes, Čuliman oiktal randpolel.

Bogotol om lidnümbrikon üks'jäine eländpunkt.

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 21 051 ristitud. Kaikiš suremb ristitišt oli 30 874 eläjad vl 1959 i 30 100 eläjad vl 1975. Kaik 20 245 ristitud elihe lidnas vl 2017.

Ortodoksižen hristanuskondan kaks' jumalanpertid[1] oma olmas lidnas: Mikulai-čudonsädajan (uz', om letud vll 1988−1991) i ph. Aleksandr Nevalaižen (om sauvomas vspäi 2010).

Bogotolan transportan tehnikum[2] om lidnan professionaližen opendusen aluzkundaks.

Galerei vajehta

Homaičendad vajehta

  1. Bogitolan pühäpertid sobory.ru-saital. (ven.)
  2. Bogotolan transportan tehnikuman sait (b-tt.ru). (ven.)

Irdkosketused vajehta



Krasnojarskan randan lidnad
Ačinsk | Artömovsk | Bogotol | Borodino | Divnogorsk | Dudink | Igark | Ilanskii | Jeniseisk | Kansk | Kodinsk | Krasnojarsk | Lesosibirsk | Minusinsk | Nazarovo | Noril'sk | Sosnovoborsk | Šaripovo | Zaozörnii | Zelenogorsk | Železnogorsk | Ujar | Užur