Bijsk (ven.: Бийск) om Venäman lidn da municipaline ühtnik (lidnümbrik) Sibirin suves, Altajan randan päivnouzmas. Se om Bijskan rajonan administrativine keskuz mugažo (ei mülü rajonha). Om lidnaks randan alištusenke, randan kahtenz' surtte lidn eläjiden lugun mödhe, tedolidn, avtoteiden sol'm.

Bijsk
Бийск
Lidnanznam
Valdkund Venäma
Eläjiden lugu (2021) 198,433 ristitud
Pind 291,67 km²
Bijsk Бийск
Pämez' Viktor Ščigrev
(tal'vku 2022—,
Виктор Щигрев)
Telefonkod +7−3854-xxx-xxx
Avtokod 22
Aigvö UTC+7 (MSK+4)

Istorii vajehta

Eländpunktan aluz om pandud vl 1709 kuti Bikatunin lidnuz (ven.: Бикатунский острог) Bij- i Katun'-jogiden ühthejoksmusen randal Suren Petran käskön mödhe lidnusen sädandas Obin joginiškanno. Vl 1710 džungarijalaižed polttiba lidnust. Vl 1718 uden Bikatunin lidnusen aluz om pandud 20 kilometras Bijan ülezjogen. Vl 1732 udesnimitihe sidä Bijan lidnuseks oficialižikš faktižen sijadusen mödhe. Se sai lidnan statusad vl 1782 nügüdläiženke nimenke. Alusenpanendan molembad sijad mülüdas lidnümbrikho nügüd'aigan.

Bijsk šingotase himižen i farmaceftižen[1] sarakon tegimil, mašiništonsauvomižel (ladimed, lämbitamižmašiništ), sauvondmaterialiden tehmižel (raudbeton, stökolplastik[2]), sömtegimištol (leib, surmiden fasuimine, voitegim).

Geografijan andmused vajehta

Lidn sijadase Bii-jogen randoil (ven.: Бия, Obin oiged joginišk), oiktal randal tobjimalaz. Matkad Barnaulhasai om 131 km orhal lodeheze vai 165 km avtotedme, mugažo raudte ühtenzoitab lidnoid.

Klimat om terav kontinentaline. Voden keskmäine lämuz om +3,2 C°. Ekstremumad oma −51,8 C° (viluku) i +38,9 C° (heinku). Paneb sadegid 548 mm vodes.

Kaik nell' žilod mülüdas lidnümbrikho Bijskan ližaks: Nagornii (7777 rist. vl 2012), Fominskoje (1273 rist. vl 2012), Odincovk (ven.: Одинцовка 401 eläjanke), Žavoronkovo (113 rist. vl 2012). Lidnümbrikon pind — 291,67 km².

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 210 115 ristitud, lidnümbrikon — 219 328 ristitud. Kaikiš suremb lidnan ristitišt oli 230..235 tuhad eläjid vozil 1987−1994 (235 tuh. rist. vll 1991−1992). Vl 2018 kaik 201 914 ristitud elihe lidnas i 211 612 ristitud kaikes lidnümbrikos.

Edeline lidnan pämez' om Aleksandr Studenikin (kezaku 2017 — tal'vku 2022).

Transport vajehta

Avtobusad, tramvaid (15 maršrutad) i maršruttaksid oma kundaližeks transportaks lidnas. Kaks' avtotesildad ühtenzoittas Bii-jogen randoid lidnan territorijal. Bijsk-raudtestancii om avaitud vspäi 1914. Jogiport radab.

Lendimportan rad jätksihe vll 1953−2009, om konservacijas.

Galerei vajehta

Homaičendad vajehta

  1. Evalar-kompanijan sait (corp.evalar.ru). (ven.)
  2. Bijskan stökolplastikan tegimen sait (bzs.ru). (ven.)

Irdkosketused vajehta



Altajan randan lidnad
Aleisk | Barnaul | Belokurih | Bijsk | Gornäk | Jarovoje | Kivi Obil | Novoaltaisk | Rubcovsk | Slavgorod | Zarinsk | Zmeinogorsk