Arkadak (ven.: Аркада́к) om Venäman lidn da lidnankund Saratovan agjan päivlaskmas. Se om Arkadakan rajonan administrativine keskuz.

Arkadak
Аркадак
Lidnanznam
Valdkund Venäma
Eläjiden lugu (2021) 10,990 ristitud
Pind 16,25 km²
Arkadak Аркадак
Pämez' Aleksandr Ovadenkov
(tal'vku 2005—)
Telefonkod +7−84 542-xx-xxx
Avtokod 64, 164
Aigvö UTC+4 (MSK+1)

Istorii vajehta

Eländpunktan aluz om pandud vl 1721. Nimitihe jogen mödhe, sen nimituz znamoičeb «tagamägi» amuižtürkan kelel. Kätihe radnikžiloks vl 1939. Radnikžilo sai lidnan statusad vn 1963 1. vilukud.

Arkadak šingotase sömtegimištol: maidkonservtegim, leibänkombinat, spirttegim, Rosrezerv:an edheotand.

Geografijan andmused vajehta

Lidn sijadase Sur' Arkadak-jogen hural randal (ven.: Большой Аркадак 115 km pitte), mitte lankteb Hopr-jogen känmaha (Donan hurapol'ne bassein) huralpäi ani päivlaskmha lidnaspäi, 130 m ü.m.t. keskmäižel korktusel.

Matkad Saratovhasai om 181 km päivnouzmha orhal, 239 km avtotedme vai raudtedme. Lähembaižed lidnad oma Balašov 50 km suvhe-suvipäivlaskmha orhal, 59 km avtotel vai raudtel, i Rtiščevo 41 km pohjoižhe-pohjoižpäivnouzmha orhal, 52 km avtotel vai raudtel. Arkadak-raudtestancii radab lidnan keskuzpalas.

Klimat om ven kontinentaline, nepsuden vajagudenke. Voden keskmäine lämuz om +6 C°, kezakun-elokun +18,7..+20,7 C°, tal'vkun-uhokun −6,7..−8,5 C°. Paneb sadegid 489 mm vodes, enamba kezakus-heinkus (54..58 mm kus), vähemba uhokus-sulakus (29..30 mm kus).

Tobmuz vajehta

Krasnii-žilo kaikenaigaižeta ristitištota mülüb lidnankundha (municipaližhe ühtnikha) Arkadakan ližaks.

Lidnankundan tobmuden pämez' om sen Nevondkundan ezimez'. Lidnan Administracii om likvidiruidud vn 2013 uhokus, rajonan Administracii tegeb sen velgusidme.

Eläjad vajehta

Vn 2010 Venäman rahvahanlugemižen mödhe lidnan da lidnankundan eläjiden lugu oli 12 845 ristitud, rajonan pol'. Kaik 11 986 eläjad oli lidnas vl 2017. Kaikiš suremb lidnan ristitišt oli 14..15 tuhad eläjid vll 1959−2006 (14 790 rist. vl 1959 i 14 800 rist. vl 1998).

Rahvahad (2010): venälaižed — 96,3 %, armenijalaižed — 1,1 %, toižed rahvahad — 2,6 %. Vll 1854−1941 saksalaižed- i danijalaižed-protestantad sirdiba Evropaspäi da eliba nügüdläižen lidnan ümbrištos.

Ortodoksižen hristanuskondan üks'jäine Sündun Voznesenjan jumalanpert'[1] om olmas lidnas vspäi 1822.

Balašovan maižanduzmehanizacijan tehnikuman Arkadakan filial[2] i Saratovan agjan bazižen medkolledžan filial Arkadakas[3] oma lidnan professionaližen opendusen aluzkundoikš.

Galerei vajehta

Homaičendad vajehta

  1. Arkadakan pühäpertid sobory.ru-saital. (ven.)
  2. Balašovan maižanduzmehanizacijan tehnikum, Arkadakan filialan sait (pl-arkadak.ucoz.ru). (ven.)
  3. Saratovan agjan bazine medicinine kolledž, Arkadakan filialan sait (arkadakmu.narod.ru) (ven.)

Irdkosketused vajehta



Saratovan agjan lidnad
Arkadak | Atkarsk | Balakovo | Balašov | Engel's | Hvalinsk | Jeršov | Kalininsk | Krasnii Kut | Krasnoarmeisk | Marks | Novouzensk | Petrovsk | Pugačov | Rtiščevo | Saratov | Šihani | Vol'sk