Ares (amuižgrek.: Ἄρης Árēs [árɛːs]) — amuižgrekan mifologijas om sodan (voinan) jumal, Zevsan i Geran poig. Mäneb kahtentoštkümnen olimpalaižiden jumaloiden luguhu.

Aresan statui Adrianan villaspäi

Sananmurendai da vällišpä Ares navedib manalašt sodad, voinad sen ičheze näht Afina Palladaspäi erineden, kudamb om tozimel'žen i oiktusekahan voinan jumalneižne. Aresan kaimdajad oma süduiden Erida-jumalnaine i verenhimoičii Enio-jumalnaine. Jumalan atributad oma koirad, habuk, palai fakel i keihaz. Hänen heboiden nimed oma Leskuz, Judu, Ülävaru (Opakuz), Loštabuz. Kuvatihe Aresad täuz'kaznudeks da vägevaks sodameheks tobjimalaz, raudsobad päle i šlöm päl, mekanke kädes.

Afrodita oli jumalan mel'heine da ak. Om sündnus äi lapsid Afroditaspäi da toižiš naižišpäi. Mifologijan mödhe Ares oli satatadud Geraklal kahtišti: toran Pilosha näht aigan i Kikn-poigan rikondan ühtes. Jumal rikoi nenid mifižid olijoid: Adonis, Galirrofii, Mimant- i Pelor-gigantad, Perifant.

Riman mifologijas Aresan analog om Mars. Gomeran kahesanz' gimn om sätud Aresan polhe.

Kacu mugažo vajehta



  Nece kirjutuz om vaiše ezitegez. Tö voit abutada meile, ku kohendat sidä da ližadat sihe.