Ardatov

lidn Venämas


Ardatov (ven.: Арда́тов, mokš.: Ардатов, erz.: Орданьбуе ош) om Venäman lidn Mordovijan Tazovaldkundan pohjoižpäivnouzmas. Se om Ardatovan rajonan lidnankund da administrativine keskuz.

Ardatov
Ардатов (ven. i mokš.)
Орданьбуе (erz.)
 Lidnanznam
 Flag
Valdkund Venäma
Eläjiden lugu (2021) 8,857 ristitud
Pind 33,52 km²
Ardatov Ардатов (ven. i mokš.) Орданьбуе (erz.)
Pämez' Nadežda Mel'nikova
(kul'mku 2016—)
Telefonkod +7−83 431-xx-xxx
Avtokod 13, 113
Aigvö UTC+3 (MSK+0)

Istorii vajehta

Eländpunkt mainitase ezmäižen kerdan 17. voz'sadal kuti Ardatovankülä (ven.: деревня Ардатова). Vspäi 1780 kätihe Simbirskan gubernijan makundan lidnaks.

Nevondkundaližen aigan Ardatov šingotihe punümbriradajal tegimištol, vatan fabrikal i sömtegimištol (leibänkombinat i argvoin tegim).

Geografijan andmused vajehta

Lidn sijadase Alatir'-jogen oiktal randal (lankteb Surha huralpäi 20 kilometras, Volgan oigedpol'ne bassein), 85..185 m korktusil, 150 m ü.m.t. keskmäižel korktusel. Matkad Saranskhasai om 114 km suvipäivlaskmha avtotedme. Lähembaine lidn om Alatir' (Čuvašii) 20 km päivnouzmha orhal. Ardatov-raudtestancii sijadase kümnes kilometras suvhe lidnaspäi «Saransk — Kazan'»-linijal.

Klimat om ven kontinentaline. Heinkun keskmäine lämuz om +19 C°, vilukun −12 C°. Ekstremumad oma −45 C° i +39 C°. Paneb sadegid 470 mm vodes.

Tobmuz vajehta

Ardatov om lidnankundan üks'jäižeks eländpunktaks.

Lidnankundan tobmuden pämez' om Deputatoiden Nevondkundan ezimez'. Lidnankundan Administracijan pämez' om Mihail Karpov vn 2021 sulakuspäi, sen edeline pämez' om Andrei Kozlov (kül'mku 2016 — sulaku 2021).

Eläjad vajehta

Vn 2010 kaiken Venäman rahvahanlugemižen mödhe lidnan eläjiden lugu oli 9 400 ristitud, rajonan ristitišton koumandez. Kaik 8 734 eläjad oli lidnas vl 2017. Kaikiš suremb lidnan ristitišt oli enamba 10 tuhad eläjid vozil 1989−2001 (10 200 rist. vl 1998).

Rahvahad (vn 2002 rahvahanlugemine, enamba 1 %, ozutadud rahvahudenke): venälaižed — 66,2 %, mordvinalaižed (tobj. erzänkel'žed) — 32,1 %, toižed rahvahad — 1,7 %.

Ortodoksižen hristanuskondan koume pühäpertid[1] oma kaičenus i saudud lidnas: ph. Mikulain kafedraline päjumalanpert' (vspäi 1809), Eläban Eziauguižen Stroican päjumalanpert' (saudihe vspäi 1769, ei ole väges), ph. Sergii Radonežalaižen časoun' (om letud vl 2011).

Ardatovan agrarine tehnikum I.A. Požarskijan nimed[2] i Ardatovan medicinine kolledž[3] oma lidnan professionaližen opendusen aluzkundoikš.

Galerei vajehta

Homaičendad vajehta

  1. Ardatovan pühäpertid sobory.ru-saital. (ven.)
  2. Ardatovan agrarižen tehnikuman I.A. Požarskijan nimed sait (ardat-at.ru). (ven.)
  3. Ardatovan medicinižen kolledžan sait (amcol-rmardatov.ru). (ven.)

Irdkosketused vajehta



Mordovijan Tazovaldkundan lidnad
Ardatov | Insar | Kovilkino | Krasnoslobodsk | Ruzajevk | Saransk | Temnikov