Aniv (lidn)

lidn Venämas


Aniv (ven.: Ани́ва, japon.: アニワ Aniva, edel 1946. vot — Rutak, japon.: 留多加 Rutaka) om Venäman lidn Sahalinan agjan Sahalin-saren suves. Se om Anivan lidnümbrikon administrativine keskuz (edel 2005. vot — rajonan).

Aniv
Анива
 Lidnanznam
 Flag
Valdkund Venäma
Eläjiden lugu (2023) 9,626 ristitud
Pind 8 km²
Aniv Анива
Pämez' Svetlana Švec
(tal'vku 2021—)
Telefonkod +7−42 441-xx-xxx
Avtokod 65
Aigvö UTC+11 (MSK+8)

Istorii vajehta

Eländpunktan aluz om pandud Venäman imperijha vl 1886 kuti Lütogankülä (ven.: деревня Лютога), nimitihe jogen mödhe. Vll 1905−1945 udesnimitadud Rutak:aks žilo (japon.: 留多加) oli Japonijan palaks sodan rezul'tataks. Suren sodan aigan Rusked Armii anasti lidnad vl 1945. Om lidnan statusanke i nügüdläiženke nimenke vspäi 1946, nimitihe lahten mödhe.

Aniv šingotase sömtegimištol (kalanpüdand, kalankazvatuz[1] i kalan ümbriradmine, mineralveden edheotand), punümbriradajal tegimel, londuseližen gazan samižel.

Geografijan andmused vajehta

Lidn sijadase Lütog-jogen molembil randoil (ven.: Лю́тога) läz sen jogensud, i Tünen valdmeren Anivan lahten randal, lahten kaidan sijan — Lohiden pohtanno (ven.: бухта Лососей), koume metrad ü.m.t. keskmäižel korktusel. Matkad Suvisahalinskan keskushesai om 31 km pohjoižpäivnouzmha orhal vai 37 km avtotedme, raudte om likvidiruidud vl 1995. Toine lähembaine lidn om Korsakov 20 km suvipäivnouzmha orhal lahtedme vai 71 km avtotedme.

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 9 115 ristitud, lidnümbrikon pol'. Kaik 9 430 eläjad oli lidnas vl 2017. Kaikiš suremb lidnan ristitišt oli 9 638 eläjad vl 2021.

Ortodoksižen hristanuskondan ph. Serafim Sarovalaižen puine jumalanpert'[2] om saudud vll 2006−2011. Baptizman «Blagodat'»-loičendpert' om avaitud lidnas.

Professionaližen opendusen aluzkundad ratas lähembaižiš lidnoiš.

Lidnümbrikon pämez' om sen Administracijan pämez' (mer). Edeline lidnümbrikon pämez' om Artöm Lazarev (tal'vku 2017 — tal'vku 2021).

Galerei vajehta

Homaičendad vajehta

  1. Anivan lohen kalankazvatusen tegim sakhrybvod.ru-saital. (ven.)
  2. Anivan pühäpertid sobory.ru-saital. (ven.)

Irdkosketused vajehta



Sahalinan agjan lidnad
Aleksandrovsk Sahalinal | Aniv | Dolinsk | Holmsk | Korsakov | Kuril'sk | Makarov | Nevel'sk | Oh | Poronaisk | Severokuril'sk | Suvisahalinsk | Tomari | Uglegorsk