Ščučje (lidn, Kurganan agj)


Ščučje (ven.: Щу́чье) om Venäman lidn da lidnankund Kurganan agjan päivlaskmas. Se om Ščučjen rajonan administrativine keskuz.

Ščučje
Щучье
 Lidnanznam
 Flag
Valdkund Venäma
Eläjiden lugu (2021) 9,346 ristitud
Pind 34,89 km²
Pämez' Il'ja Panfilov
(sügüz'ku 2018—)
Telefonkod +7−35 244-xx-xxx
Avtokod 45
Aigvö UTC+5 (MSK+2)

Istorii vajehta

Eländpunktan aluz om pandud pagenuziden manmehiden Keskuzvenämaspäi Ščučje-küläks vl 1750. Sai nimitust järven edeližen nimen mödhe (ven.: Большое Щучье vn 1805 kartal), se oli haugidenke. Saudihe Transsiban «Čeläbinsk — Omsk»-augotižpalan Čumläk-stancijad žilonno vl 1896, nimitihe stancijad penen jogen mödhe. Kätihe žilod lidnaks vn 1945 16. päiväl semendkud. Udesnimitihe raudtestancijad lidnan mödhe vl 1974.

Ščučje šingotase sömtegimištol (jauhon i leibän tehmine, sömän živatoiden täht pästand), omblendan i pilindmaterialiden edheotandoil, mugažo himižen azegišton likvidacijan tegimen uz' profiliruind mäneb i sodapalakundad sijadasoiš lidnanno.

Geografijan andmused vajehta

Lidn sijadase Uralantagaižes, Nifanskoje-järven pohjoižrandal (5,33 km²), 165 m ü.m.t. keskmäižel korktusel. Matkad Čeläbinskan agjan röunhasai om 35 km päivlaskmha, Kurganhasai om 165 km päivnouzmha orhal, 176 km avtol vai raudtel. Lähembaine lidn om Šumih 34 km päivnouzmha orhal, 39 km «Irtiš»-avtotrassadme (R-254) vai Transsib-raudtedme. Trass om saudud kahtes kilometras lidnan pohjoižröunaspäi.

Ščučje om lidnankundan üks'jäine eländpunkt.

Eläjad vajehta

Vn 2010 Venäman rahvahanlugemižen mödhe eläjiden lugu oli 10 973 ristitud, rajonan pol'. Kaikiš suremb lidnan ristitišt oli 11 094 eläjad vl 1989.

Ortodoksižen hristanuskondan Jumalanmaman Kazanin jumalaižen uz' pühäpert'[1] om olmas lidnas.

Lähembaine professionaližen opendusen aluzkund sijadase Šumihas.

Edeline lidnan pämez' om Vladimir Tamahin (heinku 2008 — sügüz'ku 2018).

Homaičendad vajehta

  1. Ščučjen pühäpertid sobory.ru-saital. (ven.)

Irdkosketused vajehta


Kurganan agjan lidnad
Dalmatovo | Kataisk | Kurgan | Kurtamiš | Makušino | Petuhovo | Šadrinsk | Ščučje | Šumih