Kaspijan meri: Erod versijoiden keskes

'''Kaspijan meri''' ([[avaran kel'|avar.]]: ''Хазар ралъад'', [[azerbaidžanan kel'{{lang-az|azerb.]]: ''Xəzər dənizi''}}, [[čečenan kel'|čeč.]]: ''Каспий-хIорд'', [[darginan kel'|darg.]]: ''Каспила урхьу'', [[kumikan kel'|kum.]]: ''Хазар денгиз'', [[lezgin kel'|lezg.]]: ''Кас гьуьл'', [[lakan kel'|lak.]]: ''Каспи хьхьири'', [[persijan kel'|pers.]]: دریای خزر‎ ''Daryā-e Xazar'', [[rutulin kel'|rut.]]: ''Kaspy der'ya'', [[turkmenan kel'{{lang-tk|turkmen.]]: ''Hazar deňzi''}}, [[venäkel'{{lang-ru|ven.]]: ''Каспийское море''}}) om kaikiš suremb järv mail'mas meren erasiden pirdoidenke (suruz, süvüz, valdmerenvuitte pohj, solakaz vezi). Kaspii om järv juridižikš, znamoičeb, lähevenujil valdkundoil om oiktuz jagada vezištod keskneze<ref>Чернявский Е. Б. Что есть Каспий и как его поделить? (Černävskii E.B. Mi se Kaspii om, kut jagada sidä?) // Природа. 2007. № 1. — Lp. 45. {{ref-ru}}</ref>. Se om vedhudetoi, ei ole ni üht joged, kudamb joksiži sišpäi. Sijadase [[Evrazii|Evrazijan]] suves, [[Evrop]]an da [[Azii|Azijan]] röunal.

Pind sarita — 371 tuh. km² (keskmäine lugu, veden tazopind vajehtase aigan joksten).

''Kaspijan meri''-nimituz ([[latinan kel'{{lang-la|latin.]] ''Caspium Mare''}}) da toižed avaras levitadud nimed sünduiba elänuziden vai eläbiden randaližiden rahvahiden nimišpäi. Hebonkazvatajiden-kaspijalaižiden heim oli elänu meren suvipäivlaskmal randištol 1. voz'tuhal edel meiden erad.

Kaspijan meri lainištab [[Venäma]]n, [[Kazahstan]]an, [[Turkmenistan]]an, [[Iran]]an da [[Azerbaidžan]]an randadrandoid.

Sured lidnad da portad (päiväižen mödhe): [[Baku]], [[SumgaitSumgajit]], [[Derbent]], [[Kaspiisk]], [[Mahačkal]], [[Astrahan']], [[Atirau]], [[Aktau]], [[Turkmenbaši]], [[Čalus]], [[Bender Enzeli]].