Jeniseisk: Erod versijoiden keskes

Südäimišt om heittud Ližatud südäimišt
Koiravva (pagin | tehtud radod)
+
Koiravva (pagin | tehtud radod)
pEi ole vajehtusen ühthevedoid
Rivi 19:
Lidn sijadase [[Jenisei]]-jogen hural randal, mödvedhe [[Angar (jogi)|Angar-jogensuspäi]], 75 m keskmäižel korktusel valdmeren pindan päl. Matkad [[Krasnojarsk]]hasai om 348 km suvhe. Klimat om terav kontinentaline.
 
Eländpunktan aluz om pandud vl 1619 kuti ''Tungusan lidnuz'', sid' ''Jenisein lidnuz'' (ven. ''Енисейский острог''). Vl 1676 se sai lidnan statusad, tegihe Jenisein regionan keskuseks. Joukud läksiba ujuden otmaha kävutamižhe Päivnouzmaižen Sibirin rajonid arni Jeniseiskaspäi. Vozil 1724-1796 lidn oli Jenisein provincijan keskuseks. Karvanjarmank oleli lidnas 18. voz'sadal elokuidme, i torguihe tavaroid Kitaišpäi da kalad vodes ümbri. Vl 1765 1343 torgovanad oli kirjutadud Jeniseiskas. Möhemba lidnan znamoičend kadotihe, sikš miše saudud Sibirin te madme da Transsib vajehtiba jogiteid. Enamba 100 vanhid kivesižid pertid oma kaičendan al.
 
Vn 2010 rahvahanlugemižen mödhe eläjiden lugu om 18 766 ristitud. Kaikiš suremb ristitišt oli vodel 1989 — 22 845 eläjad. Pedagogine kolledž radabi professionaline škol ratas lidnas. Ortodoksižen hristanuskondan Spasan Toižetamižen mez'jumalankodi om lidnas vspäi 1642, päjumalanpertin da koumen jumalankodin aluz om pandud 18. voz'sadal. Islaman pühäpert' om lidnas.
 
Ei ole tegimišton järedoid edheotandoid Jeniseiskas. Jogistancii om lidnan keskuses. Avtote ühtenzoitab lidnad [[Lesosibirsk]]anke (lähembaine sur' lidn, 47 km suvipäivnouzmha) da [[Krasnojarsk]]anke, Jenisein oiktadme randpoledme — [[Pohjoižjeniseisk]]anke. Civiline ''Jeniseisk-lendimport'' (''EIE/ЕНС'') sijadase 5 km lodeheze lidnan keskusespäi, om äkkiližid reisid rajonadme.
 
== Irdkosketused ==