'''Änine''' vai '''Änižjärv''' ([[Wp/vep/Venäkel'|venäkelel]]: ''Онежское озеро, Онего'', [[Wp/vep/Karjalan kel’|karjalan kelel]]: ''Oniegu'', [[Wp/vep/Suomen kel'|suomen kelel]]: ''Ääninen, Äänisjärvi'') om [[Wp/vep/Järv’|järv’]] [[Wp/vep/Venäma|Venäläižen Federacijan]] evroppalan lodepoles, [[Wp/vep/Karjalan Tazovaldkund|Karjalan Tazovaldkundas]], [[Wp/vep/Leningradan agj|Leningradan]] da [[Wp/vep/Vologdan agj|Vologdan agjoiš]]. Se om toine jarv’ pindan mödhe [[Wp/vep/Evrop|Evrop]]as rindataden [[Wp/vep/Ladog|Ladogjärv]]he. Änine om [[Wp/vep/Atlantine valdmeri|Atlatižen valdmeren]] [[Wp/vep/Baltijanmeri|Baltijanmeren]] basseinan järv.
Järven pind saridenke om läz 9700 km². [[Wp/vep/Vezi|Veden]] mülü järves om 285 km³. Piduz pohjoižespäi suvehepäi om 245 km, kaikiš suremb leveduz om 91,6 km. Keskmäine süvüz om 30 m, kaikiš suremb süvüz om 127 m. 50 joged langetas järvhe, no vaiše üks’ - [[Wp/vep/Süvär’|Süvär’]] (Svir’) - lähteb Änižespäi. Änižen randal om 3 lidnad: [[Wp/vep/Petroskoi|Petroskoi]], [[Wp/vep/Kondopog|Kondopog]] da [[Wp/vep/Medvežjegorsk|Medvežjegorsk]].
Änižes om 1650 sared. Niiden pind om 224 km². Sariden lugus om [[Wp/vep/Kiži|Kiži]]-sar’, kudambal om 89 pušt arhitekturan muštpacast XV-XX voz’sadoid (časounäd, pühäkodid, küläpertidid, mellicad da aitod). Nece keraduz om pandud UNESCO:n mail’man kal’huziden nimikirjuteshe. Änižen päivnouzmrandal om 1200 [[Wp/vep/petroglif|petroglif]]ad (IV - II voz’tuhad edel meiden erad).
