Maču Pikču

Maču Pikču (kečuaks: Machu Piсchu — «vanh (mägen)pä») om amuižen lidnan nügüdläine nimituz Perun territorijal. Ispanižen londan jäl'ghe Peruhu (zavodihe vl 1532) lidn seižub elämatoman. Amerikalaine Hairam Bingem-tedoidai avaiži sidä mail'male vl 1911 heinkun 24. päiväl.

Maču Pikčun jändused vl 2009.

Lidn om saudud inkiden Pačakutek Jupanki-imperatoran aigan (ohjasti vll 1438-1471) läz 1440 vot valdkundan rezidencijaks da pühälidnaks. Se oli koumanz' mugoine imperijas. Sijatud sil-žo Kusko-regional Čokekirao-lidn om pojav sihe. Om läz 200 sauvust kaikes lidnas — pühäpertid, rezidencijad, varažomad, kundaližed honused. Vihmsezon oleleb lidnas, no sen alused oma varmdad.

Lidn sijadase Uaina Pikču-mägen pautkel, 2450 m valdmeren pindan päl, Perun suves. Urubamb-jogi jokseb mägenno. Maču Pikčun todesine nimi om tundmatoi.

Vl 1983 UNESCO pani lidnad Mail'man jäl'gusen nimikirjuteshe. Voib sadas lidnhasai raudtel Kuskospäi, sid' avtobusal. Turistoiden valu om röunatud kaičemha kompleksad murendusespäi.

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.