Kem' (lidn): Erod versijoiden keskes

'''Kem'''' ([[venän kel'|ven]].: ''Кемь'', [[karjalan kel'|karj]]. da [[suomen kel'|suom]].: ''Kemi'') om [[Venäma]]n lidn [[Karjalan Tazovaldkund]]an pohjoižpäivnouzmas. Kem' om [[Kemin rajon]]an administrativine keskuz da üks'jäine lidn (mülüb rajonha vspäi 2004). Rajonan ristitišton koume nelländest eläb lidnas.

 

Eländpunktan aluz om pandud 14. voz'sadal. Vozil 1450-1764 se alištui [[Solohkan jumalankodi]]le. Vl 1657 jumalankodi sauvoi kaks'žirušt azekast pulidnust vihanikoiden (suomalaižed, ročilaižed) paksuid londoid vaste. Žilo sai lidnan statusad vl 1785 i alištui [[Anus (lidn)|Anuslidnale]]. Vozil 1799-1920 lidn mülüi [[Arhangel'skan gubernii|Arhangel'skan gubernijha]].

 

Lidn sijadase rajonan suvipäivnouzmas, seižub [[Vauged meri|Vauktan meren]] päivlaskmaižen randpolel, [[Kem' (jogi, Karjalan Tazovaldkund)|ühtennimižen jogen]] hural randal tobjimalaz. [[Solohkad]]-sared oma läz 50 km päivnouzmha lidnaspäi. Matkad [[Petroskoi]]hesai om 352 km orhal suvhe, 410 km avtotedme. Lähembaine lidn om [[Belomorsk]], 49 km suvhe.

 

Koume pen't žilod mugažo mülüdas Kemin lidnankundha, niiden ühthine ristitišt oli 651 eläjad vl 2013.

 

Vl 1913 lidnan eläjiden lugu oli 4 100 ristitud. Kaikiš suremb ristitišt oli vl 1970 — 21 025 eläjad. Vn 2010 kaiken Venäman rahvahanlugemižen mödhe eläjiden lugu oli 13 051 ristitud.

 

Ortodoksižen hristanuskondan kaks' päjumalanpertid (amuine Uspen'jan i Pühän Jumalanmaman Blagoveščenjan) da Stroican jumalanpert'.

 

Ižandusen sarakod oma elektroenergetik ([[Kemin GES:oiden kaskad]]), mecan ümbriradmine, [[kala]]n kazvatuz, transport, turizm.

 

 

{{Karjalan Tazovaldkundan lidnad}}

 

[[Kategorii:Venäman lidnad]]