Surat: Erod versijoiden keskes

Südäimišt om heittud Ližatud südäimišt
Koiravva (pagin | tehtud radod)
Om sätud uz' lehtpol', kudamban südäiolend om '{{Eländpunkt | Nimi = Surat <small>(veps. da angl.)</small><br />सूरत <small>(hindi)</small><br />સુરત <small>(gudžarati)</sm...'
(Nimittušt erod)

Vajehtuz 28. Kül’mku 2015, kell 20:05


Surat (mugažo anglijan kelel; hindi: सूरत, gudž.: સુરત, vanh. Surjapur — «Päiväižen lidn») om Indijan kahesanz' surtte lidn-millioner, Gudžarat-štatan kahtenz' surtte lidn Ahmedabadan jäl'ghe.

Surat (veps. da angl.)
सूरत (hindi)
સુરત (gudžarati)
Valdkund Indii
Eläjiden lugu (2011) 4,462,002 ristitud
Pind 326,5 km²
Surat (veps. da angl.) सूरत (hindi) સુરત (gudžarati)
Pämez' Nirandžan Zanzmera
Telefonkod +91-(0)261-xxx-xxxx
Aigvö UTC+5:30

Lidn sijadase 284 km suvhe štatan Gandinagar-pälidnaspäi.

Surat om Indijan kul'turan da turizman keskuz, almazoiden leiktamižen da poliruindan mail'man keskuz, Indijan «šuukan pälidn».

Istorii

Lidnan aluz om pandud 15. voz'sadan lopul Gopi-brahmanal. Vodele 1512 Surat oli Indijan päivlaskman znamasižeks rahvahidenkeskeižeks portaks. Portugalijalaižed sauvoihe lidnusen vl 1540, se seižub nügüd'aigan-ki.

Vozil 1615-1687 Angližen Ost-Indijan kompanijan üks' torguindfaktorijoišpäi sijazihe Suratas. Vl 1668 kompanii pani torguindfaktorijan alusen Bombeihe, sid' Suratan ižanduz mäni lanktushe.

Vl 1837 lämoipalo da sur'vezi murenzihe lidnan tobmad palad.

20. voz'sadan augotišele Surat tegihe möst torguindan da kebntegimišton keskusen.

Geografijan andmused

Surat sijadase štatan suves, sen keskuz seižub 22 kilometras Arabijan meren randištospäi. Randanpird om 35 km.

Lidnan keskuz seižub alangištos 13 metrad korktusel, sijadase Tapti-jogen hural randal.

Klimat om tropine savannan, mussonine räk. Om kaks' sezonad: vihmsezon da kuivsezon. Räkämbaižed oma sulaku, semendku da kezaku, niiden keskmäine lämuz om +30...+31°C. Tal'vkun da vilukun kesklämuz om +23°C. Paneb sadegid 1200 mm vodes. Kezaku-sügüz'ku oma vihmasižed (200-450 mm kus), sen tagut lujad sur'veded oleldas. Kuiv pord om jättud aig (43 mm kaikes pordos).

Surat alajagase 7 administrativižhe zonha.

Ižanduz

Suratan kogosüdäiprodukt om 40 bln US$ fiskaližel vodel 2011-2012 (kahesanz' sija Indijan lidnoiden keskes), vl 2010 se oli 14 bln US$.

Toižed tegimišton sarakod oma kivivoin da gazan samine, laivansauvomine, metallurgii, mugažo cementan, heretusiden da bumagan tehmine.

Mail'man elektrotehnologižiden IBM- da Wipro-kompanijoiden palakundad sijadase lidnas (faktižešti vai virtualižešti).

Transport

Avtobusad da kiruhavtobusad oma kundaližeks transportaks lidnan südäimes. Vl 2015 kebn metro om vaiše planoiš. Lidnan avanport om Magdallas.

Deli-Mumbai-kiruhte läbitab lidnad, mugažo Surat-Kolkat-kiruhte zavodiše lidnas.

Tatanmaine civiline ühtennimine lendimport (STV) sijadase 11 kilometras suvipäivlaskmha lidnan keskusespäi. Sišpäi tehtas reisid Delihe, mugažo čarterreisid Indijan lähižihe štatoihe.

Homaičendad


Irdkosketused