Gannover

Gannover (saks.: Hannover [haˈnoːfɐ]), om Alasaksonii-federacijanman pälidn Saksanmas, sur' raudtesol'm Berlin — Amsterdam da Gamburg — Münhen raudteil.

Gannover
Hannover

Lidnanznam
Valdkund	Saksanma
Eläjiden lugu (2013)	518,098 ristitud
Pind	204,01 km²
Pämez'	Štefan Šostok (2013-)
Telefonkod	+49−511
Aigvö	tal'vel UTC+1, kezal UTC+2

Mail'man tegimišton jogavoččed jarmankad oleldas «Messegelände»-kompleksas: ozutesikš, Hannover Messe da CeBIT.

Läz 1,1 mln ristituid elädas lidnaglomeracijas.

Istorii

10. voz'sadal ezmäižed pertid sauvoihe Am-Hoen-Ufer-randirdas (saks. Am Hohen Ufer), sišpäi lidnan nimi sündui. Eländpunkt johtutase ezmäižen kerdan vl 1150. Gannover sai lidnan statusan vl 1241.

Geografijan andmused

Lidn sijadase Saksanman pohjoižes, Laine-jogen randoil. Gannoveran keskuz seižub 55 metrad keskkorktusel.

Korktembaine čokkoim om Kronsberg-kukkaz (118 m).

Klimat om Atlantižen valdmeren.

Gannover alajagase 13 administrativižhe rajonha.

Transport

Pigatramvai (167 km ted, sidä kesken 20 km manalašt), avtobusad da raudte (saks. S-Bahn) oma kundaližeks transportaks.

Keskmäižgermanine kanal ühtenzoitab Laine- da Rein-jogid. Se om jügulaivoiden täht.

Rahahidenkeskeine civiline Gannover-Langenhagen-lendimport (HAJ) sijadase 11 km pohjoižpolehe lidnan keskusespäi. Sišpäi tehtas reisid Evropan, Azijan maihe da Saksanman südäimes, mugažo čarterreisid lebutahoihe.

Lidnan nägu

Lidnan keskusen ühthine nägu.

Irdkosketused

• Gannoveran ohjastusen oficialine portal. (saks.) (angl.) (fr.) (ven.) (est.) da tž.