Sobad: Erod versijoiden keskes

[[XIX. voz'sada|XIX. voz'sadal]] [[purumašin]]ad da [[elektruz|elektrust]] sädihe, sen tagut manufakturoiden tehnologijad saiba ut korktut. Vl 1790 [[Žakkar Žozef Mari|Žozef Mari Žakkar]] sädi [[Žakkardan stavad|ühtennimižiden staviden]], se lujeni poimetišen tarkoiktust da kanghiden tehmižen pigut. Mašinoil ratud sobad tegihe odvaks kaikiden ristituiden täht. Edel sidä sobad jämedan ümbriradmižen materiališpäi dominiruiba, a sobid hoikiš materiališpäi vaiše [[aristokrat]]ad da elokahad ristitud panihe. Necil pordolpäi nügüdläižed sobiden tipad tuliba meihepäi: hibjan kabardajad sobad, lühüdan hijamanke, kezaližed da tal'veližed, muzevan mujun kanghišpäi. Sanitariž-gigijenižiden da ekonomižiden arvoimižiden paremboičend vei sihe azjaha, miše [[Evrop]]an da [[Pohjoižamerik]]an ristituiden enambuz paneškanzi alembaižid sobid.

 

=== Kodiš kävutadud sobad ===

Nened sobad oma pidamha kundaližiš sijiš da kodiš tobjimalaz.

Sportsobiden sädamižen aigan kactas nenihe arvoimižihe da tedoihe: ergonomik, madal lämuz, kastumatomuz, lujetud higostund, satatesenvastaižuz da toižed kaičendmahtused.

 

Erasiden sarakoiden radnikad pandas sobid lujetud kaičendmahtusenke: tegimišt, maižanduz, medicin, transport. Mugoižed sobad kaitas ristituid varuližiš satatesišpäi kožumatomiš arvoimižiš. Sobad oma pölünvastaižed da redunvastaižed.

 

 

{{Commonscat|Category:Clothing}}

 

[[Kategorii:Sobad| ]]