Pol'šanmalaižed: Erod versijoiden keskes

'''Pol'šanmalaižed''' ({{lang-pl|Polacy}} [pɔˈlat͡sɨ], mez' üks'lugus: ''Polak'', naine üks'lugus: ''Polka'') oma [[indoevropalaižed rahvahad|indoevropalaine]], [[slavižed rahvahad|slavine]] [[rahvaz]]. Elädas [[Pol'šanma]]s da lähižiš maiš ([[Čehanma]], [[Litvanma]], [[Vaugedvenäma]]), om äi eläjid pol'šan augotižlibundanke Amerikas.

Pol'šanmalaižiden rahvankel' om [[pol'šan kel']]. Eläjiden Pol'šanmas uskond om [[katoline jumalankodikund]] nacionaližen valdkundan alusenpanendan aigaspäi. Rahvahan erine istorii zavodihe 10. voz'sadal meiden erad. [[Reč Pospolitai]]-valdkund oli olmas hätken aigan, i sen tolerantine politik rahvahan vähembusiden kosketaden vedi etnižiden gruppiden kirjavannoks mülükundannoks. Erinedas rahvahan gruppid geografižen sijadusen mödhe Pol'šanmas (keskuzregion, Sur' Pol'šanma, Pen' Pol'šanma, Mererand, Silezii), mugažo om severz'-se etnografižid gruppid — [[guralid]], [[kašubad]] (kaičiba kel't i rahvahanveroid), [[mazurad]], [[kurpad]] (alištuiba assimiläcijale läz täuzin) da toižed.

Pol'šanmalaižiden i rahvahanikoiden pol'šan augotižlibundanke lugu om 55..60 millionad ristituid mirus, sidä kesken Pol'šanmas 38 mln (enamba 97 % ristitištos), [[Amerikan Ühtenzoittud Valdkundad|AÜV:oiš]] 10,6 mln (2015), [[Brazilii|Brazilijas]] 2,4 mln (2015), [[Saksanma]]s 2,25 mln (2018), [[Francii|Francijas]] 1,35 mln (2012), [[Kanad]]as 1 mln (2013), [[Sur' Britanii|Sures Britanijas]] 695 tuh. (2019), [[Argentin]]as 500 tuhad (2014). Pol'šanmalaižed oma [[Evropan Ühtištuz|EÜ:n]] kudenz' rahvaz lugumäran mödhe.