Arktik: Erod versijoiden keskes

'''Arktik''' ({{lang-el|ἄρκτος}}-sanaspäi «[[kondi]]», {{lang-el|ἀρκτικός}} «olii [[Sur' Kondjantähthišt]]on al») om ühthine [[fizine geografii|fiziž-geografine]] region [[Ma]]n pohjoižes. Sen röun om [[tundr]]an zonan suvine röun.

Arktik-region omsijadase [[Pohjoine polärine pird|Pohjoižen polärižen pirdan]] südäimes tobjimalaz. Sen keskuz om [[Pohjoižnaba]]. Pind om läz 27 mln nellikkilometrid, sidä kesken Pohjoižen polärižen pirdan südäimes 21 mln km². Mülütab [[Jävaldmeri|Jävaldmert]] läz täuzin, [[Evrazii]]- i [[Pohjoižamerik]]-kontinentiden pohjoižagjoid.

Neniden valdkundoiden territorijad sijadasoiš Arktikas paloin: [[Amerikan Ühtenzoittud Valdkundad|AÜV]] ([[Aläsk]]-štat), [[Venäma]], [[Norvegii]], [[Islandii]], [[Danii]] ([[Grenland]]) i [[Kanad]]. Om äi varoid, tarbhaižiden kaivatusiden löudmižsijid ([[kivivoi]], [[londuseline gaz]], [[uran (himine element)|uran]], [[kivihil']]), no äjad ned jädas muite hoikan ekologižen sisteman tagut.