Pert'kulu Putinan täht. Kaikiš suremban oton istorii: Erod versijoiden keskes
meletan sid' oma petused.. |
(Nimittušt erod)
|
Vajehtuz 26. Viluku 2021, kell 10:55
«Pert'kulu Putinan täht. Kaikiš suremban otan istorii» (ven.: Дворец для Путина. История самой большой взятки) om voden 2021 Venäman dokumentaline sel'gitamižfil'm, kudamb Borciundan korrupcijanke fond (ФБК/FBK) fil'mzi. Prem'jer oli vilukun 19. päival YouTube-platformas, i päividen paras päliči fil'm om kactud enamba 50 mln kerdad kaiked mail'madme. Sel'gitamižen pätegii om Aleksei Naval'nii, mödavtorad oma Marija Pevčih dai Georgii Alburov.
Režissör | Aleksei Navalnii |
Scenarii | Aleksei Navalnii Marija Pevčih Georgii Alburov |
Aktörad | A.Navalnii dai G.Alburov kut starinoičijad |
Montaž | Kira Jarmiš Aleksandra Dubrovskaja Vitalii Kolesnikov Anton Lebedinskii Jaroslav Mudräkov |
Žanr | dokumentaline |
Kompanii | Borciundan korrupcijanke fond (FBK) |
Voz' | 2021 |
Piduz | 1 čas i 52 minutad |
Valdkund | Venäma |
Kel' | venän (anglijankel'židen subtitroidenke) |
Salhed | direct-to-video |
Edeline fil'm | «Hän ei ole Dimon teile» (2018) |
Sait | Pert'kulu Putinan täht. Kaikiš suremban oton istorii-fil'man oficialine sait |
IMDb | ID tt13875460 |
Nece fil'm om pühätadud koverikahile korrupcižile shemile Vladimir Putin-prezidentan läheližiš ümbrioljoiš. Fil'man keskuzpala om Rezidencijan Idokopas-nemel polhe, kudamb sel'gitamižen tegijoiden mel'pidegen mödhe mülüb personaližikš Putinha. Nägub om, miše erižpert' ("Putinan Pert'kulu") om lujas sur', üläloštajan i hondmaguižen interjeranke, a kaik rezidencijan territorii om penen lidnan pojav pindan mödhe, i sigä om eskai olmas ičeze vinmarjžomad. Iče Vladimir Putin, hänen ezitai Dmitrii Peskov dai oficialine propagand vahvištadas, miše rezidencii FSB:n varjoičendan al ei mülü Venäman prezidentha, a Naval'nijan fil'm om aniku manitelend i kundan destabilizacijan naprind.
«Pert'kulu Putinan täht...» linni protestoiden kaiked mail'madme "katalizatoraks". Vilukun 23. päival kuverz'-se kümned tuhad ristitud kaiked valdkundadme läksiba irdoihe lozungoidenke objastusen vaste da Naval'nijan päzutandale türmadusespäi.
Irdkosketused
- Iče sel'gitamižfil'm (ven.)