Plod

Plod (latin.: fructus, grek.: καρπός karpos) om änikon šingotesen lopuline etap, se toižetase kaks'jaižes sugutamižes. Katesemnižiden kazmusiden generativine organ formiruimha da kaičemha semnid. Plod sädase petkloižen kandoižespäi, sen ühtes änikon toižed palad voidas ühtneda plodun formiruindas — ozutesikš, äniktorv, änikon aluz.

Fruktiden plodud

Äjad plodud oma sömižen tarbhaižed produktad, torhuz samha zellid da mujuid.

Karpologii tedoidab ploduid. Erasiden sortuiden plodud kazdas sugutandata, semnita päpaloin, nimitadas niid partenokarpižikš.

Toižendad

Erištadas nenid ploduiden toižendoid ühthižen nägun mödhe: konorüt, boba, paug, havadoine, pähkim, pajumuna, äisemnine, jablok, marj i lumarj.

Form da suruz

Form rippub kazmusen erikospäi i oleleb šurunvuitte, grušanvuitte, cilindrin, spiraline, linzanvuitte, suugikaz da toižed. Sen ližaks, plodun pind voib olda siled, kauged, ogakaz i karvakaz.

Kazmusen plodun suruz voib vajehtuda lujas arvoimižihe kacten. Vigna unguiculata-kazmusen plodud-bobad sadas ühthe metrhasai pitte, tikvan i arbuzan plodud voidas kazda surikš mugažo. Heinäsižiden kazmusiden plodud kazdas henod, läz millimetrad surtte.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.