Livni

Livni (ven.: Ли́вны) om Venäman lidn da lidnümbrik Orelan agjan suvipäivnouzmas. Se om agjan kahtenz' lidn eläjiden lugun mödhe, om Livnin rajonan administrativižeks keskuseks, ei mülü sihe.

Livni
Ливны

Lidnanznam	Flag
Valdkund	Venäma
Eläjiden lugu (2018-01-01)	47,221 ristitud
Pind	32,1 km²
Pämez'	Sergei Trubicin (kku 20—)
Telefonkod	+7−48 677-xx-xxx
Avtokod	57
Aigvö	UTC+3 (MSK+0)

Istorii

Edeline eländpunkt mainitase ezmäižen kerdan vl 1177 kuti järgeline varmitadud žilo, arheologad nimitihe sidä Klüčevk-lidneihut. Kaivandused sijadasoiš 4 km pohjoižhe lidnaspäi, kaikiš amuižembad kul'turšoidud datiruišoiš 3.-2. voz'tuhal EME. Žilo oli Livnin ruhtinazkundan keskuseks, alištui Räzanin tobmudele. Om pandud mantazole i okaidud 13. voz'sadal Batijan matkan aigan.

Nügüdläižen eländpunktan aluz om pandud severz'-se kilometrid suvhe edeližespäi kuti lidn da lidnuz Venäman suviröunal vl 1586 Födor I Čudokaz-carin käskön mödhe, ühtel aigal Voronežanke sen varalidnuseks. Nimitihe vanhan lidneihuden tahondan mödhe Pöudlivni- i Meclivni-jogiden ühthejoksmusenno. Livni sai makundan lidnan statusad vl 1778. Šingotihe tal'jankoiden tehmižel i padanikoiden pramozlal.

Livni šingotase mašinansauvomižen tegimil (pompad, fil'trad, lämoipalonvastaižed ladlused, kivivoimašiništ), elektrotegesiden i lämuzpidatimiden tegimel, sömtegimištol (konditerine fabrik).

Geografijan andmused

Lidn sijadase kesked rajonad, Hered Sosn-jogen hural randal (ven.: Быстрая Сосна, vai muite Сосна, 296 km pitte, Donan üläjoksmusen oiged ližajogi), 126..191 m korktusil, 150 m ü.m.t. keskmäižel korktusel. Livenk-jogi (ven. Ливенка 32 km pitte) lankteb Sosnaha lidnas. Matkad Orelhasai om 00 km lodeheze orhal, 00 km avtotel vai 00 km raudtel. Toine lähembaine lidn om Jelec (Lipeckan agj) 00 km päivnouzmha-pohjoižpäivnouzmha orhal, 00 km avtotedme vai raudtedme. «Orel — Lipeck»-avtotekeskust läbitab lidnan pohjošt.

Livni om lidnümbrikon üks'jäine eländpunkt. Lidnümbrikon pind — 00,98 km².

Eläjad

Vl 1897 lidnan ristitišt oli 20 400 eläjad, vl 1939 — 11 982 eläjad. Vn 2010 Venäman rahvahanlugemižen mödhe lidnan eläjiden lugu oli 50 343 ristitud. Kaikiš suremb lidnan ristitišt 50..53 tuhad eläjid vll 1986−2011 (53 800 rist. vl 2000). Ortodoksižen hristanuskondan kaks' jumalanpertid oma olmas lidnas.

Rahvahad (2010): venälaižed — 98,0%, toižed rahvahad — 2,0%.

Professionaližen opendusen aluzkundad oma Livnin kolledž.

Galerei

• 
  Tulend lidnan puištho

Irdkosketused

• Lidnümbrikon tobmuden aluzkundoiden sait (adminliv.ru). (ven.)