Samoa: Erod versijoiden keskes

Ohjandusen form om unitarine [[parlamentine tazovaldkund|parlamentine]] tazovaldkund. Valdkundan pämez' om «ohjastusen vei» ([[samoan kel'|samoaks]] i anglijaks: ''O le Ao o le Malo''). Parlament valičeb händast videks vodeks ičeze ühtnijoišpäi, strokuiden verd om röunatusita. Ohjastusen vei paneb Ülembaižen käskuzkundan sudijoid radsijha päministran da Käskuzazjoiden laudkundan nevondan mödhe. Ohjastusen vejal kel'don oiktuz om parlamentan käskusid vaste, seišta parlamentan ištundoid aigaks vai eskai lopuks (päministranke nevoten jäl'ghe). Ohjastusen vei vahvištab ohjastusen päministrad ({{lang-en|Prime Minister}}), mugažo toižid ministrid päministran nevondan mödhe. Kaik ministrad oma parlamentan ühtnijad. Voib olda olmas kahesaspäi kahthetoštkümnehesai ministrusid (samoan kelen lüh. ''Malo'', {{lang-en|Cabinet of Samoa}}).

Samoan parlament om üks'kodine Nacionaline Käskusenandai Suim ({{lang-sm|Fono Aoao Faitulafono o Samoa}}, lüh. ''Samoan Fono'', {{lang-en|Legislative Assembly of Samoa}}) 50 ühtnijanke (47 — kanzoiden pämehed-''matai'' kaikuččes valičemižümbrikospäi, 2 — verhan rodun rahvahanikoišpäi, 1 — parlamentan irdpol'ne ühtnii ližadamha naižid kümnendeshesai). Kaikuččel ristitul vanhemba 21 vot om änestusen oiktust. Kacmata sihe azjaha, vaiše ''vejad'' (samoan kelel: ''matai'') voidas olda kandidatoikš valičemha valdkundan da ümbrikoiden parlamentoihe, niid om läz 25 tuhad (5% — naižed).