Žigulövsk: Erod versijoiden keskes

Südäimišt om heittud Ližatud südäimišt
Koiravva (pagin | tehtud radod)
Om sätud uz' lehtpol', kudamban südäiolend om '{{Eländpunkt | Nimi = Žigulövsk<br />Жигулёвск | Lidnanznam = Coat of Arms of Zhigulyovsk (Samara oblast).png | Flag = Flag of Zh...'
(Nimittušt erod)

Vajehtuz 25. Reduku 2019, kell 19:48


Žigulövsk (ven.: Жигулёвск) om Venäman lidn Samaran agjan päivlaskmas, Tol'jattin suvine ezilidn. Se om agjan kudenz' lidn eläjiden lugun mödhe, Žigulövskan lidnümbrikon administrativine keskuz.

Žigulövsk
Жигулёвск
 Lidnanznam
 Flag
Valdkund Venäma
Eläjiden lugu (2017) 54,343 ristitud
Pind 60,8 km²
Žigulövsk Жигулёвск
Pämez' Dmitrii Holin
(tal'vku 2018—)
Telefonkod +7−84 862-xx-xxx
Avtokod 63, 163
Aigvö UTC+4 (MSK+1)

Istorii

Eländpunktan aluz om pandud vl 1949, nimitihe Žiguli-mägiden mödhe. Radnikžilo sai lidnan statusad vl 1952. Saudihe Volgan gidroelektrostancijad vll 1950−1957 türmatud mehiden vägil, möhemba udesnimitihe Žigulövskan GES:aks. Saihe kivivoid lidnan ümbrištos, no varad tuliba lophu.

Žigulövsk šingotase sömtegimištol (leibtegim, konditerine kombinat), farmaceftižel tegimel, elektrusen tehmižel (Žigulövskan GES), mouckiven samižel i cementan pästandal.

Geografijan andmused

Lidn sijadase Volgan Kuibiševan vezivaradimen oiktal randal, 70 m ü.m.t. keskmäižel korktusel. Matkad Samarhasai om 53 km päivnouzmha-suvipäivnouzmha orhal, 93 km avtotedme vai raudtedme. Lähembaine lidn om Tol'jatti Volgan vastrandal, 5 km pohjoižhe kaikil teil GES:an padoseinän ülähädme (mülüb Žigulövskha). Žigulövsk-stancii radab lidnan suvipäivnouzmas «Tol'jatti — Sizran'»-raudtekeskustal.

Viž žilod mülüdas lidnümbrikho Žigulövskan ližaks. Lidnümbrikon pind — 94,15 km². Om ümbärtud Stavropolin rajonan territorijal, sen londuseližil kel'dtahoil.

Eläjad

Vn 2010 Venäman rahvahanlugemižen mödhe lidnan eläjiden lugu oli 55 565 ristitud, lidnümbrikon — 60 303 ristitud. Kaikiš suremb lidnan ristitišt oli 53 tuhad eläjid vl 1973 i vajehtase 54..57 tuhad eläjid röunoiš vspäi 2005 (57 100 rist. vl 2008). Vl 2017 kaik 58 747 ristitud elihe lidnümbrikos. Ortodoksižen hristanuskondan kaks' jumalanpertid om olmas lidnas.

Rahvahad (2010): venälaižed — 86,1%, totarlaižed — 1,7%, azerbaidžanlaižed — 1,3%, mordvinalaižed — 1,0%, ukrainalaižed — 1,0%, toižed rahvahad — 8,9%.

Professionaližen opendusen aluzkund om Žigulövskan gubernine kolledž.[1]

Homaičendad

  1. Žigulövskan himižtehnologižen tehnikuman sait (chxtt.minobr63.ru). (ven.)

Irdkosketused



Samaran agjan lidnad
Čapajevsk | Kinel' | Neftegorsk | Novokuibiševsk | Oktäbr'sk | Otradnii | Pohvistnevo | Samar | Sizran' | Žigulövsk | Tol'jatti